ശ്രീനാഥ് ഭാസി, റോഷൻ മാത്യു, അന്ന ബെൻ തുടങ്ങിയ താരങ്ങളെ അണിനിരത്തി മുഹമ്മദ് മുസ്തഫ ഒരുക്കിയ ‘കപ്പേള’ എന്ന സിനിമയുടെ തെലുങ്ക് ഉള്പ്പെടെയുള്ള അന്യഭാഷ റീമേക്കുകള് കോടതി തടഞ്ഞു. സിനിമയുടെ സഹ എഴുത്തുകാര് നൽകിയ ഹര്ജിയെ തുടര്ന്നാണ് കോടതിയുടെ സ്റ്റേ. ചതിക്കാനോ ചതിക്കപ്പെടാനോ അല്ല ആരും ആരെയും സഹായിക്കുന്നത്. അവരുടെ സാഹചര്യവും സ്വാർത്ഥതയും അതിനുകാരണമാവുമ്പോൾ പിന്നെ സത്യം പുറത്തുവരാൻ തെളിവുസഹിതം നിയമപരമായി നേരിടാൻ നമുക്ക് കഴിയൂ. ‘കപ്പേള’ സഹ എഴുത്തുകാരായ സുദാസും നിഖിലും പറഞ്ഞിരിക്കുകയാണ്.
ആരെയും മോശമായി ചിത്രീകരിക്കാനോ, അവരുടെ കഴിവുകേടുകൾ അണ്ടെർലൈൻചെയ്ത് കാണിക്കാനോ അല്ല ഞങ്ങളുടെ ഉദ്ദേശം, ഇനിയും ഇത്തരം പ്രവർത്തിയോ എന്തിന്, ചിന്തകൾ പോലും അവരുടെ മനസ്സിൽ ഉദിക്കാതിരിക്കാൻ വേണ്ടി കൂടിയാണ് ഇപ്പോൾ ഇങ്ങനെ ഒരു നടപടി സ്വീകരിച്ചത് സത്യം ഞങ്ങളുടെ പക്ഷത്തായത് കൊണ്ട് ഞങ്ങൾക്ക് പേടിക്കാനൊന്നും തന്നെയില്ല, കോടതിക്ക് അത് ബോധ്യമാവുകയും ചെയ്തത് കൊണ്ടാണ് ഇത്തരമൊരു സ്റ്റേ കോടതി നൽകിയത്.
English Summary : kappela movie remake stayed by court