സംസ്ഥാന സ്കൂള്‍ കലോത്സവത്തിന്റ ഭാഗമായി ഒന്നാം വേദിക്ക് സമീപത്തായി ജനയുഗം സ്റ്റാളിന്റെ ഉദ്ഘാടനം പൊതുമരാമത്ത് ടൂറിസം മന്ത്രി പി എ മുഹമ്മദ് റിയാസ് നിര്‍വഹിച്ചു. ജനയുഗം കോഴിക്കോട് യൂണിറ്റ് മാനേജര്‍ കെ കെ ബാലന്‍ സംബന്ധിച്ചു.
ദിവസേന സ്വര്‍ണനാണയം സമ്മാനമായി നല്‍കുന്ന ‘ജനയുഗം സമ്മാനപദ്ധതി‘യുടെ ചോദ്യവും ശരിയുത്തരം എഴുതി നിക്ഷേപിക്കാനുള്ള സമ്മാനപ്പെട്ടിയും സ്റ്റാളില്‍ സജ്ജീകരിച്ചിട്ടുണ്ട്. കലോത്സവ ദിവസങ്ങളില്‍ പ്രസിദ്ധീകരിക്കുന്ന ജനയുഗം പത്രത്തില്‍ സമ്മാനത്തിനായുള്ള ചോദ്യവും, ഉത്തരം എഴുതുവാനുള്ള കൂപ്പണും നല്‍കിയിട്ടുണ്ട്. ഈ കൂപ്പണില്‍ ശരിയുത്തരം എഴുതി സ്റ്റാളിലെ സമ്മാനപ്പെട്ടിയില്‍ നിക്ഷേപിക്കണം.
എല്ലാ ദിവസവും വൈകിട്ട് നറുക്കെടുപ്പ് നടത്തി വിജയികള്‍ക്ക് സ്വര്‍ണനാണയം ഉള്‍പ്പെടെയുള്ള സമ്മാനങ്ങള്‍ നല്‍കും. ജനയുഗം പ്രസിദ്ധീകരണങ്ങളും സ്റ്റാളില്‍ ലഭ്യമാണ്.
English Summary: Kerala school kalolsavam stories
You may also like this video
