ക്രിക്കറ്റ് ലോകത്തെ ഏറ്റവും പരിചിതനും ആദരവുമുള്ള അമ്പയറാണ് ഓസ്ട്രേലിയയുടെ സൈമണ്‍ ടൗഫല്‍. ഇപ്പോഴിതാ അമ്പയറിങ്ങിലേക്ക് വരണമെന്ന് ആഗ്രഹമുള്ള ഇന്ത്യന്‍ താരങ്ങളാരെന്ന് തുറന്നുപറഞ്ഞിരിക്കുകയാണ് ടൗഫല്‍. വീരേന്ദര്‍ സെവാഗ്, അല്ലെങ്കില്‍ കോലിയോ അശ്വിനോ അമ്പയറിങ്ങിലേക്ക് വരുന്നത് കാണാന്‍ ആഗ്രഹമുണ്ട്. എല്ലാ പ്രധാന നിയമങ്ങളെക്കുറിച്ചും അവര്‍ക്ക് അറിയാം, ടൗഫല്‍ ചൂണ്ടിക്കാണിച്ചു.
‘അമ്പയര്‍മാരാകണമെങ്കില്‍ അതിയായ ആഗ്രഹവും നല്ല വ്യക്തിത്വവും ആവശ്യമാണ്. ഞാന്‍ ഇതുമായി ബന്ധപ്പെട്ട് ചില താരങ്ങളോട് സംസാരിച്ചിട്ടുണ്ട്. മോണി മോര്‍ക്കല്‍ എന്നോട് അമ്പയര്‍ ആകുന്നതിനെപ്പറ്റി സംസാരിച്ചിരുന്നു. എന്നാല്‍ നേരത്തെ ഞാന്‍ പറഞ്ഞതുപോലെ എല്ലാവര്‍ക്കും പറ്റുന്ന ജോലിയല്ലിത്. വിരാട് കോലി, ആര്‍ അശ്വിന്‍, വീരേന്ദര്‍ സെവാഗ് എന്നിവരെല്ലാം അമ്പയര്‍മാരായി കാണണമെന്ന് ആഗ്രഹിക്കുന്നു. മത്സരത്തിന്റെ സാഹചര്യത്തെക്കുറിച്ചും ക്രിക്കറ്റ് നിയമങ്ങളെക്കുറിച്ചും ഇവര്‍ക്ക് കൃത്യമായ ധാരണയുണ്ട്’- ടൗഫല്‍ പറഞ്ഞു.
കറാച്ചിയൊ അതുപോലുള്ള ഇടങ്ങളിലൊ കളിക്കുമ്പോഴല്ലാതെ അമ്പയറിങ് ബോറിങ് ആവില്ല. അമ്പയറിങ് വെല്ലുവിളി നിറഞ്ഞതാണ്. എങ്ങനെയാണ് ഇത്രയും സമയം ഫോക്കസ് ചെയ്ത് നില്‍ക്കുക എന്ന് പലരും ചോദിക്കും-ടൗഫല്‍ കൂട്ടിച്ചേര്‍ത്തു.
English Summary:kholi or Ashwin should be umpires: Taufel
You may also like this video
