ബോളിവുഡ് നടി കിയാരാ അദ്വാനിയുടെയും നടന്‍ സിദ്ധാർഥ് മൽഹോത്രയുടെയും വിവാഹത്തിന് ഒരുക്കങ്ങള്‍ നടക്കുകയാണ്. വിവാഹവേദിയായ ജയ്സാൽമാരിലേക്ക് യാത്ര തിരിച്ചിരിക്കുകയാണ് താരങ്ങള്‍. ഇപ്പോള്‍ നടി കിയാരക്കൊപ്പം ഡിസൈനർ മനീഷ് മൽഹോത്രയുമുള്ള ദൃശ്യങ്ങളാണ് പുറത്ത് വന്നിരിക്കുന്നത്. ഒരു വെള്ള കുർത്തയും ബോട്ടവും, പിങ്ക് ഷോളുമായിരുന്നു കിയാരായുടെ വേഷം. പിങ്ക് ഷോള്‍ പുതച്ചിറങ്ങുന്ന കിയാരയുടെ ഫോട്ടോകളാണ് ഇപ്പോള്‍ സമൂഹമാധ്യമങ്ങളില്‍ ചര്‍ച്ചാ വിഷയം.
ലുക്കില്‍ വളരെ സിംപിള്‍ ആണെങ്കിലും വസ്ത്രവും തോളത്തുള്ള ബാഗും ഡോളറുകള്‍ വിലമതിക്കുന്നതാണെന്ന് കണ്ടെത്തിയിരിക്കുകയാണ് പാപ്പരാസികള്‍. ‘പ്രദ’യുടെ വിലയേറിയ ഷോൾഡർ ബാഗാണ് കിയാരയുടെ കൈയിലുള്ളത്. 2950 ഡോളറുകൾ വിലയുള്ള ഈ ബാഗിന് 2,44,080.20 രൂപയാണ് ഏകദേശ വില. 1050 ഡോളർ വിലയുള്ള ഹെർമീസ് ഷോളിനാകട്ടെ 86,861.30 രൂപയും. ജയ്സൽമാരിലെ ആഡംബര കൊട്ടാരത്തിൽ ഫെബ്രുവരി ഏഴിനാവും വിവാഹചടങ്ങളുകള്‍ നടക്കുകയെന്നാണ് റിപ്പോര്‍ട്ടുകള്‍.
English Summary;Kiara getting ready for marriage; Fans were shocked to hear the price of the star’s pink shawl
You may also like this video
