കോഴിക്കോട് കാവിലുംപാറയിലെ ജനവാസമേഖലയിൽ ഇറങ്ങിയ കുട്ടിയാനയെ വനം വകുപ്പിന്റെ ദൗത്യസംഘം മയക്കുവെടി വെച്ചു. കരിങ്ങാട് ഓടേരിപൊയിൽ മലമുകളിൽ വെച്ചാണ് ആനയെ മയക്കുവെടി വെച്ചത്. ആഴ്ചകളായി ജനവാസ മേഖലയിൽ തുടരുകയായിരുന്ന ഈ കുട്ടിയാനയ്ക്ക് മൂന്ന് വയസ്സിനു മുകളിൽ പ്രായമുണ്ടെന്ന് വനംവകുപ്പ് അറിയിച്ചു. മയക്കുവെടി വെച്ച കുട്ടിയാനയെ ആദ്യം മുത്തങ്ങ ആന ക്യാമ്പിലേക്ക് മാറ്റും. അവിടെ ആരോഗ്യനില നിരീക്ഷിച്ച ശേഷം ആനക്കൂട്ടത്തോടൊപ്പം വിട്ടയക്കുമെന്ന് വനംവകുപ്പ് അധികൃതർ അറിയിച്ചു.
കാവിലുംപാറയിൽ ജനവാസമേഖലയിലിറങ്ങിയ കുട്ടിയാനയെ മയക്കുവെടി വെച്ചു; മുത്തങ്ങയിലേക്ക് മാറ്റും
