2000 രൂപയുടെ നോട്ടുകൾ ബാങ്കിൽ മാറ്റാനുള്ള അവസാന തീയതി ഇന്ന്. ഒക്ടോബർ ഏഴിന് ശേഷം, 19 ആർബിഐ ഇഷ്യൂ ഓഫീസുകളിൽ മാത്രമേ 2000 രൂപയുടെ കറൻസി നോട്ടുകൾ മാറ്റാൻ അനുവദിക്കൂവെന്നും അധികൃതര്‍ പുറത്തുവിട്ട റിപ്പോര്‍ട്ടില്‍ പറയുന്നു. ഓരോ ഇടപാടിനും പരമാവധി 20,000 രൂപ നോട്ട് നിക്ഷേപിക്കാം. 2000 രൂപയുടെ കറൻസി നോട്ട് ഒക്ടോബർ 7ന് അവസാനിച്ചാലും നിയമസാധുതയുള്ളതായി തുടരും, എന്നിരുന്നാലും അവ ഇടപാടുകൾക്കായി സ്വീകരിക്കില്ല. ഇന്നത്തെ ദിവസത്തിനുശേഷം നോട്ടുകൾ ആർബിഐയുമായി മാത്രമേ മാറ്റിയെടുക്കാൻ കഴിയൂവെന്നും അധികൃതര്‍ അറിയിച്ചു.
സെപ്റ്റംബര്‍ 30 വരെയായിരുന്നു 2000 രൂപയുടെ നോട്ടുകള്‍ മാറ്റിയെടുക്കാനുള്ള സമയപരിധി. എന്നാല്‍, പിന്നീട് ഒക്ടോബര്‍ ഏഴു വരെ നീട്ടി. ഒക്ടോബർ ഏഴിനുശേഷം 19 ആർ.ബി.ഐ ഇഷ്യൂ ഓഫിസുകളിൽ 2000 നോട്ടുകൾ മാറ്റിയെടുക്കാനാകും. ഓരോ ഇടപാടിനും പരമാവധി 20,000 രൂപയുടെ നോട്ട് നിക്ഷേപിക്കാം.
രാജ്യത്തിനകത്തുള്ള വ്യക്തികൾക്കും സ്ഥാപനങ്ങൾക്കും 2000 രൂപ നോട്ടുകൾ പോസ്റ്റ് ഓഫിസ് വഴി 19 ആർബിഐ ഇഷ്യൂ ഓഫിസുകളിൽ ഏതിലേക്കും അയക്കാനും ഇന്ത്യയിലെ അവരുടെ ബാങ്ക് അക്കൗണ്ടുകളിലേക്ക് ക്രെഡിറ്റ് ചെയ്യാനും അവസരമുണ്ടാകും. ആർബിഐ ഓഫിസുകളിലേക്ക് യാത്ര ചെയ്യാൻ കഴിയാത്തവർക്ക് തപാൽ വകുപ്പിന്റെ സേവനവും നോട്ട് കൈമാറ്റത്തിനായി പ്രയോജനപ്പെടുത്താമെന്ന് ശക്തികാന്ത ദാസ് പറഞ്ഞു.
അഹമ്മദാബാദ്, ബാംഗ്ലൂർ, ബേലാപൂർ, ഭോപ്പാൽ, ഭുവനേശ്വർ, ചണ്ഡീഗഡ്, ചെന്നൈ, ഗുവാഹത്തി, ഹൈദരാബാദ്, ജയ്പൂർ, ജമ്മു, കാൺപൂർ, കൊൽക്കത്ത, ലഖ്‌നൗ, മുംബൈ, നാഗ്പൂർ, ന്യൂഡൽഹി, പട്‌ന, തിരുവനന്തപുരം എന്നിവ ഉൾപ്പെടുന്ന 19 ആർബിഐകളില്‍ നോട്ടുകള്‍ മാറ്റിയെടുക്കാം. ഇതുകൂടാതെ, സമീപത്തുള്ള ഏത് ബാങ്ക് ശാഖയിലും 2000 രൂപയുടെ നോട്ടുകൾ മാറ്റാന്‍ കഴിയും.
2016 നവംബറിൽ പ്രധാനമന്ത്രി നരേന്ദ്ര മോഡി 1,000, 500 നോട്ടുകൾ അസാധുവാക്കിയതിന് ശേഷമാണ് 2000 രൂപ നോട്ട് അച്ചടിക്കാൻ തുടങ്ങിയത്.
English Summary: Last date to exchange Rs 2000 notes at banks today: All you need to know…
You may also like this video
