പിറന്നാൾ ദിനത്തിൽ എലോണിന്റെ ടീസർ പങ്കുവെച്ച് നടൻ മോഹൻലാൽ. ചിത്രത്തിന്റെ അണിയറ പ്രവര്‍ത്തകര്‍ മോഹൻലാലിന് പിറന്നാൾ ആശംസകൾ അറിയിച്ചുകൊണ്ട് പുറത്ത് വിട്ട ടീസറാണ് മോഹൻലാലിന്റെ പേജുകളിലൂടെ പങ്കുവെച്ചത്. ആദ്യ ടീസറിലെ പോലെ യഥാർത്ഥ നായകൻമാർ എല്ലായിപ്പോഴും തനിച്ചാണ് എന്ന പഞ്ച് ഡയലോഗാണ് ഈ വീഡിയോയിലും മോഹൻലാൽ പറയുന്നത്.
ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമ്മിക്കുന്നത്. 12 വർഷത്തിന് ശേഷം ഷാജി കൈലാസും മോഹൻലാലും ഒന്നിക്കുന്നു എന്ന പ്രത്യേകത കൂടിയുണ്ട് ചിത്രത്തിന്. ഇരുവരും ഒന്നിച്ച അവസാന ചിത്രം 2009ലെ റെഡ് ചില്ലീസായിരുന്നു. ടൈം, സൗണ്ട് ഓഫ് ബൂട്ട്, മദിരാശി, ജിഞ്ചർ ഷാജി കൈലാസിന്റെ ചിത്രങ്ങള്‍ക്ക് രചന നിർവ്വഹിച്ച രാജേഷ് ജയരാമനാണ് എലോണിന്റെ തിരക്കഥയും ഒരുക്കിയിരിക്കുന്നത്.
English Summary:Mohanlal new film alone teaser out
You may also like this video
