നാടക് തിരുവനന്തപുരം ജില്ലാകമ്മിറ്റി സംഘടിപ്പിക്കുന്ന ലോകനാടകദിനാഘോഷവും നാടകക്കളരിയും നാടകാവതരണവും നാളെ രാവിലെ 10 മണിക്ക് തിരുവനന്തപുരത്ത് നടക്കും. ഉള്ളൂർ ക്യാമിയോ ലൈറ്റ് അക്കാദമിയിൽ നടക്കുന്ന പരിപാടി നാടക് സംസ്ഥാന പ്രസിഡന്റും പ്രശസ്ത നാടക പ്രവർത്തകനുമായ ഡി.രഘൂത്തമൻ ഉദ്ഘാടനം ചെയ്യും.
നാടക് തിരുവനന്തപുരം ജില്ലാ കമ്മിറ്റിയുടെ പ്രതിമാസ നാടക പരിപാടികളുടെ ഉദ്ഘാടനവും ഇതോടൊപ്പം നടക്കും. തുടർന്ന് തമ്പ് തിയേറ്റർ അക്കാദമി ഡയറക്ടർ രാജേഷ് ചന്ദ്രൻ ടി ടി നയിക്കുന്ന നാടകക്കളരി അരങ്ങേറും. കേരളത്തിൽ നിന്ന് തിരഞ്ഞെടുത്ത ഇരുപതോളം നാടക പ്രവർത്തകർ നാടകളരിയിൽ പങ്കെടുക്കും. തുടർന്ന് ജോസ് പി റാഫേലും റീന ജി യും ചേർന്ന് രോഗികളുടെ മിത്രം എന്ന നാടകം അവതരിപ്പിക്കും.