നവോദയ സാംസ്കാരിക വേദി പുരസ്കാരം ജി എസ് പ്രദീപിന്

പാവുമ്പാ വടക്ക് നവോദയ സാംസ്കാരികവേദി ആൻഡ് ഗ്രന്ഥശാലയുടെ ഒന്നാം വാർഷികവും പുരസ്കാര സമർപ്പണവും ഞായറാഴ്ച നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. 10,001 രൂപയും പ്രശസ്തി പത്രവും ശില്പവും അടങ്ങുന്ന അവാർഡ് ഗ്രാൻഡ് മാസ്റ്റർ ജി എസ് പ്രദീപിന് നൽകും. വൈകിട്ട് അഞ്ചിന് നടക്കുന്ന സാംസ്കാരിക സമ്മേളനം താലൂക്ക് ലൈബ്രറി കൗൺസിൽ സെക്രട്ടറി വി വിജയകുമാർ ഉദ്ഘാടനം ചെയ്യും. സി ആർ മഹേഷ് എംഎൽഎ പുരസ്കാര സമർപ്പണം നിർവഹിക്കും. ഡോ സി ഉണ്ണികൃഷ്ണൻ മുഖ്യപ്രഭാഷണം നടത്തും. പഞ്ചായത്ത് തല ബാലോത്സവ വിജയികളെയും പ്രമുഖ വ്യക്തികളെയും ചടങ്ങിൽ ആദരിക്കും. രാത്രി എട്ട്മണിമുതൽ ഓണാട്ടുകര പ്രതിഭയുടെ ദൈവങ്ങളുടെ ജീവിതം എന്ന നാടകവും അരങ്ങേറും.