കവിയും അദ്ധ്യാപകനും, ഹാസ്യസാഹിത്യകാരനുമായ പ്രൊഫ. വി ആനന്ദക്കുട്ടന്‍ നായരുടെ നൂറ്റിനാലാം ജന്മവാര്‍ഷികം പ്രൊഫ എന്‍ കൃഷ്ണപിളള ഫൗണ്ടേഷന്‍ ആഘോഷിക്കുന്നു.ശനിയാഴ്ച 5 മണിക്ക് ഫൗണ്ടേഷൻ ഓഡിറ്റോറിയത്തിൽ ചെയർമാൻ പന്ന്യൻ രവീന്ദ്രന്റെ അദ്ധ്യക്ഷതയിൽ ചേരുന്ന യോഗം ചലച്ചിത്ര സംവിധായകൻ ടി കെ രാജീവ്കുമാർ ഉദ്ഘാടനം ചെയ്യും.
ഡോ കവടിയാർ രാമചന്ദ്രൻ, ഡോ എ ആനന്ദകുമാർ, താജുദീൻ, എസ്.ഗോപിനാഥ്, ഡോ.എഴുമറ്റൂർ രാജരാജവർമ്മ, വി.ഗോപകുമാർ, മഞ്ജു ചന്ദ്രൻ, ബി.സനിൽകുമാർ തുടങ്ങിയവർ സംബന്ധിക്കും. ചലച്ചിത്ര പിന്നണി ഗായകരായ ജി.ശ്രീറാം, ഡോ.കെ.ആർ.ശ്യാമ, ജി.എസ്.അഥീന, പാർവ്വതി എന്നിവർ ആനന്ദക്കുട്ടന്റെ കവിതകളുടെ സംഗീതാവിഷ്‌കാരം നിർവ്വഹിക്കും. ആനന്ദക്കുട്ടന്റെ പത്തു മുതൽ നാലുവരെ എന്ന നാടകം അനിൽ പാപ്പാടിയുടെ സംവിധാനത്തിൽ കാലടി സാന്ദീപനി സേവാ ട്രസ്റ്റ് ബാലസമിതി അവതരിപ്പിക്കും.
English Summary:
Prof. V. Anandakuttan Nair’s birth anniversary celebration on Saturday
You may also like this video:
