ഇന്ന് രണ്ട് മരണം കൂടി സംഭവിച്ചതോടെ ആലപ്പുഴ ജില്ലയില്‍ മഴക്കെടുതിയില്‍ മരിച്ചവരുടെ എണ്ണം ആറായി. കുട്ടനാട് പുളിങ്കുന്നിൽ വെള്ളം കയറിയ വീട് വൃത്തിയാക്കാനെത്തിയ ഗൃഹനാഥൻ ഷോക്കേറ്റും മാമ്പുഴക്കരിയിൽ എ സി കനാലിൽ വീണ് വയോധികനുമാണ് മരിച്ചത്. പുളിങ്കുന്ന് കണ്ണാടി പുതുവൽ പി പി മണിയൻ (72) ആണ് ഷോക്കേറ്റ് മരിച്ചത്.
കഴിഞ്ഞദിവസം രാത്രി ഒമ്പതിനാണ് സംഭവം. പുറത്തുപോയി മടങ്ങിയെത്തിയ ഭാര്യ ജയിനമ്മയാണ് മണിയനെ ഷോക്കേറ്റ് മരിച്ചനിലയിൽ കണ്ടെത്തിയത്. വീടിന് ചുറ്റും വെള്ളക്കെട്ടായിരുന്നു. മാമ്പുഴക്കരിയിൽ നിന്ന് കാണാതാതായ രാമങ്കരി എസ്എൻഡിപിക്ക് സമീപം താമസിക്കുന്ന കോമരത്തുശേരി വീട്ടിൽ പുരുഷോത്തമനെയാണ് (88) എ സി കനാലിൽ മരിച്ച നിലയിൽ കണ്ടെത്തിയത്.
English Summary:Rain: Two more deaths in Alappuzha district
You may also like this video
