മന്ത്രി സജി ചെറിയാനെതിരായ പരാമര്ശം തിരുത്തി റാപ്പര് വേടന്. കലാകാരന് എന്ന നിലയില് അംഗീകരിക്കുകയും അഭിനന്ദിക്കുകയും ചെയ്ത ആളാണ് മന്ത്രിയെന്നും മന്ത്രി അപമാനിച്ചതായി കരുതുന്നില്ലെന്നും തന്നെയും തന്നെപ്പോലെ സ്വതന്ത്ര കലാകാരന്മാര്ക്കും ഒരുപാട് എഴുതാനും സംഗീതം ഉണ്ടാക്കാനും അവസരം നല്കുന്നതാണ് അവാര്ഡെന്നും അദ്ദേഹം പറഞ്ഞു.
അതേസമയം വേടന് പോലും ചലച്ചിത്ര അവാര്ഡ് നല്കി എന്ന സംസ്കാരിക മന്ത്രി സജി ചെറിയാന്റെ വാക്കുകള് അപമാനിക്കുന്നതിന് തുല്യമാണെന്ന് വേടന് പറഞ്ഞിരുന്നു. ഇതിന് പാട്ടിലൂടെ മറുപടി നല്കുമെന്നാണ് അദ്ദേഹം പറഞ്ഞിരുന്നത്. ഈ പരാമര്ശമാണ് ഇപ്പോള് വേടന് തിരുത്തിയിരിക്കുന്നത്. മഞ്ഞുമ്മല് ബോയ്സിലെ കുതന്ത്രം (വിയര്പ്പ് തുന്നിയിട്ട കുപ്പായം) എന്ന ഗാനത്തിനാണ് മികച്ച ഗാനരചയിതാവിനുള്ള സംസ്ഥാന ചലച്ചിത്ര പുരസ്കാരം നേടിയത്.