തമിഴ് സിനിമാ നിർമ്മാതാവ് രവീന്ദർ ചന്ദ്രശേഖരനും നടി മഹാലക്ഷ്മിയും കഴിഞ്ഞ ദിവസമാണ് വിവാഹിതരായത്. എന്നാല്‍ ആശംസകള്‍ക്ക് പകരം ഇരുവര്‍ക്കും സമൂഹമാധ്യമങ്ങളിലൂടെ നേരിടേണ്ടി വന്നത് വിമര്‍ശനങ്ങളും കളിയാക്കലുമാണ്. രവീന്ദർ ചന്ദ്രശേഖരന്റെ അമിതവണ്ണമാണ് ചിലരെ ചൊടിപ്പിച്ചത്. ബോഡിഷെയ്മിങ് ഉള്‍പ്പെടെയുള്ള കമന്റുകളാണ് വിവാഹ ചിത്രങ്ങള്‍ക്ക് താഴെ വരുന്നത്. രവീന്ദറിന്റെ വണ്ണവും കളറുമാണ് പലര്‍ക്കും ദഹിക്കാൻ പ്രയാസമായത്.
ഏറെ നാളത്തെ പ്രണയത്തിനൊടുവിലാണ് ഇരുവരും വിവാഹിതരായത്. രണ്ടുപേരുടെയും രണ്ടാം വിവാഹമാണിത്. തിരുപ്പതിയിൽ വച്ച് നടന്ന ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.
വിടിയും വരൈ കാത്തിര് എന്ന ചിത്രത്തിൽ മഹാലക്ഷ്മിയാണ് പ്രധാന കഥാപാത്രത്തെ അവതരിപ്പിക്കുന്നത്. രവീന്ദറാണ് ചിത്രത്തിന്റെ നിർമ്മാണം. ഇതിന്റെ സെറ്റിൽ വച്ചാണ് ഇരുവരും കാണുന്നതും പ്രണയത്തിലാകുന്നതെന്നുമാണ് വിവരം. നടിക്ക് പുറമെ അവതാരിക കൂടിയാണ് മഹാലക്ഷ്മി. തമിഴിലെ പ്രശസ്ത നിർമാണ കമ്പനിയായ ലിബ്ര പ്രൊഡക്‌ഷന്റെ ഉടമയാണ് രവീന്ദർ.
English Summary: Producer Ravindar Chandrasekaran marries popular actress Mahalakshmi
You may alsolike this video
