അടിക്കടി അടിക്കടി ഉണ്ടാകുന്ന ഇന്ധന വില വർദ്ധനവ് ഇടത്തരക്കാർ ഉൾപ്പെടെയുള്ള ജനങ്ങളുടെ ജീവിതം ദുസ്സഹമാക്കിയെന്നും നോട്ട് നിരോധനദുരന്തത്തിൽ നിന്നും കര കയറാൻ ശ്രമിക്കുന്ന സാധാരണക്കാർക്ക് മറ്റൊരു പ്രഹരമായി എന്നും എഐടിയുസി സംസ്ഥാന പ്രസിഡന്റ് ജെ ഉദയഭാനു അഭിപ്രായപ്പെട്ടു. ഇന്ധന വില വർദ്ധനവിനെതിരെ എഐടിയുസി നേതൃത്വത്തിൽ നടന്ന ഹെഡ്പോസ്റ്റോഫീസ് മാർച്ചും ധർണ്ണയും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മാർച്ചിന് ശേഷം ബി ശങ്കറിന്റ അദ്ധ്യക്ഷതയിൽ നടന്ന യോഗത്തിൽ ജില്ലാസെക്രട്ടറി ജി ബാബു, നേതാക്കളായ ബി മോഹൻദാസ്, ബി രാജു, അയത്തിൽ സോമൻ, ശോഭ ജോസഫ്, എം വൈ മജീദ്, സേവ്യർ ജോസഫ്, സുകേശൻ ചൂലിക്കാട്, എം എം അൻസാരി, എന്നിവർ സംസാരിച്ചു. മാർച്ചിനും ധർണയ്ക്കും ജി ജയപ്രകാശ്, ജയൻ, സനൽ, സബീന, രാധാകൃഷ്ണപിള്ള, എന്നിവർ നേതൃത്വം നൽകി.
ഇന്ധന വില വർദ്ധനവ് ജനജീവിതം ദുസഹമാക്കി: ജെ ഉദയഭാനു
