പുതുതായി റോളർ സ്കേറ്റിങ് പഠിക്കാനാഗ്രഹിക്കുന്നവർക്കായി കൊല്ലം റോളർ സ്കേറ്റിങ് ക്ലബ്ബ് നടത്തുന്ന ജില്ലാതല പരിശീലന ക്യാമ്പ് ഏപ്രിൽ മൂന്നിന് തുടങ്ങും. കൊല്ലം നഗരത്തിനൊപ്പം ചാത്തന്നൂർ, കരുനാഗപ്പള്ളി, കൊട്ടാരക്കര, പുനലൂർ എന്നിവിടങ്ങളിലും ക്യാമ്പ് നടത്തും. രജിസ്ട്രേഷൻ ഏപ്രിൽ ഒന്നിന് അവസാനിക്കും. റോളർ ഹോക്കി, സ്കേറ്റ് ബോഡിങ്, റോളർ സ്കൂട്ടർ എന്നിവയുടെ പരിശീലനവും ഇതോടൊപ്പം ഉണ്ടായിരിക്കും. ജില്ലാ സംസ്ഥാന അസോസിയേഷൻ അംഗീകരിച്ച പരിശീലകർ നേതൃത്വം നൽകുന്ന ക്യാമ്പിൽ പെൺകുട്ടികളുൾപ്പെടെയുള്ളവർക്ക് പങ്കെടുക്കാമെന്ന് ക്ലബ് സെക്രട്ടറി പി ആർ ബാലഗോപാൽ അറിയിച്ചു. ഫോൺ: 9447230830