രഞ്ജി ട്രോഫി ക്രിക്കറ്റ് സെമി ഫൈനലിൽ കേരളം ഇന്ന് ഗുജറാത്തിനെ നേരിടും. അഹമ്മദാബാദ് നരേന്ദ്ര മോഡി സ്റ്റേഡിയത്തില് രാവിലെ 9.30നാണ് മത്സരം.
രഞ്ജി ചരിത്രത്തില് ഇത് രണ്ടാം തവണയാണ് കേരളം സെമി ഫൈനലില് മാറ്റുരയ്ക്കുന്നത്. ഇതിന് മുമ്പ് 2018–19 സീസണിലാണ് കേരളം രഞ്ജി ട്രോഫി സെമി ഫൈനൽ കളിച്ചത്. അന്ന് വിദര്ഭയായിരുന്നു എതിരാളികള്. കഴിഞ്ഞ എട്ട് മത്സരങ്ങളിലെ മികവ് ആവര്ത്തിക്കാനാകുമെന്ന പ്രതീക്ഷയിലാണ് കേരളം ഇന്ന് കളിക്കാനിറങ്ങുന്നത്. കഴിഞ്ഞ രണ്ട് മത്സരങ്ങളിലും സെഞ്ചുറി നേടിയ സല്മാന് നിസാര്, മൊഹമ്മദ് അസറുദ്ദീൻ, നിധീഷ് എം ഡി, ജലജ് സക്സേന, അക്ഷയ് ചന്ദ്രന് ഉള്പ്പെടെയുള്ളവര് മികച്ച ഫോമിലാണെന്നുള്ളത് കേരളത്തിന്റെ സാധ്യതകളെ വര്ധിപ്പിക്കുന്നു. കർണാടക, മധ്യപ്രദേശ്, ഉത്തർപ്രദേശ്, ബംഗാൾ, തുടങ്ങിയ കരുത്തരായ ടീമുകളെ മറികടന്നാണ് കേരളം നോക്കൗട്ടിലേക്ക് യോഗ്യത നേടിയത്. മുംബൈ, ബറോഡ തുടങ്ങിയ കരുത്തരെ തോല്പിച്ചെത്തിയ കശ്മീരിനെയാണ് ക്വാർട്ടറിൽ കേരളം മറികടന്നത്.
മത്സരം ജിയോ സിനിമാസില് തത്സമയം സംപ്രേക്ഷണം ചെയ്യും.