കുട്ടികളുടെ സൂപ്പര്‍ ഹീറോ ശക്തിമാന്‍ സിനിമയാകുന്നു എന്ന വാര്‍ത്തകള്‍ പുറത്തുവന്നിട്ട് ഒരു വര്‍ഷം പിന്നിടുന്നു. ഇപ്പോളിതാ ഏറെ നാളത്തെ കാത്തിരിപ്പിനൊടുവില്‍ സിനിമയുടെ വിശേഷങ്ങള്‍ പങ്കുവച്ച്‌ മുകേഷ് ഖന്ന രംഗത്ത് എത്തിയിരിക്കുകയാണ്. മുകേഷ് ഖന്ന തന്റെ യൂട്യൂബ് ചാനലായ ഭീഷ്മിലൂടെയാണ് ചിത്രത്തെ സംബന്ധിച്ച വിവരങ്ങള്‍ പങ്കുവച്ചത്. 300 കോടി ബജറ്റിലായിരിക്കും ചിത്രം നിര്‍മിക്കുക. മൂന്ന് ഭാഗങ്ങളായി ഇറങ്ങുന്ന ചിത്രങ്ങളില്‍ ഒരു ചിത്രത്തിന്റെ മാത്രം മുതല്‍ മുടക്കാണിത്. ചിത്രത്തിന്റെ കരാറില്‍ ഒപ്പുവച്ചെന്നും സിനിമ ഉടന്‍ തന്നെ എത്തുമെന്നും വ്യക്തമാക്കിയിരിക്കുകയാണ് താരം. ചിത്രം ഇന്റര്‍നാഷണല്‍ കാന്‍വാസില്‍ നിര്‍മിക്കാനാണ് തീരുമാനം.
സ്‌പൈഡര്‍മാന്‍ നിര്‍മിച്ച സോണി പിക്ചേഴ്സ് തന്നെയാണ് ചിത്രത്തിന്റെ നിര്‍മാണവും. ശക്തിമാനായി മുകേഷ് ഖന്നയാണോ വേഷമിടുന്നതെന്നാണ് ആരാധകര്‍ക്ക് അറിയേണ്ടിയിരുന്നത്. എന്നാല്‍ ആ വേഷം കൈകാര്യം ചെയ്യാന്‍ താനുണ്ടാകില്ലെന്നും അദ്ദേഹം വ്യക്തമാക്കി. താന്‍ അവതരിപ്പിച്ചുവെച്ച കഥാപാത്രത്തെ വച്ച്‌ ചിത്രത്തെ താരതമ്യം ചെയ്യേണ്ട ആവശ്യമില്ലെന്നും മുകേഷ് ഖന്ന പറഞ്ഞു.1997 സെപ്റ്റംബറില്‍ ദൂരദര്‍ശനിലാണ് ശക്തിമാന്‍ സംപ്രേഷണം ആരംഭിച്ചത്. 2005 മാര്‍ച്ച്‌ വരെ പരമ്പര തുടര്‍ന്നു. വര്‍ഷങ്ങള്‍ കഴിഞ്ഞിട്ടും ഇന്നും പ്രേക്ഷകര്‍ക്കിടയില്‍ ശക്തിമാന്‍ സൂപ്പര്‍ ഹീറോ തന്നെയാണ്.
English Summary:Shaktiman will be a movie; Mukesh Khanna says that the film has a budget of 300 crores
You may also like this video
