ഒട്ടേറെ പുതുമകളും പ്രത്യേകതകളും മനോഹരഗാനങ്ങളും കൊണ്ട് ശ്രദ്ധനേടിയ ചലചിത്രം ‘തീ’ യുടെ ആദ്യ പ്രദർശനം, നിയമസഭാ ഹാളിൽ സഭാംഗങ്ങൾക്കും വിവിധ രാഷ്ട്രീയ- കക്ഷി നേതാക്കൾക്കും ചലചിത്ര താരങ്ങൾക്കും മാധ്യമ പ്രവർത്തകർക്കും വേണ്ടി നടത്തും.
യൂ ക്രിയേഷൻസ്, വിശാരദ് ക്രിയേഷൻസ് എന്നീ ബാനറുകൾ ചേർന്ന് നിർമ്മിച്ച്, അനിൽ വി.നാഗേന്ദ്രൻ രചനയും സംവിധാനവും നിർവ്വഹിച്ച ചിത്രത്തിൽ മുഹമ്മദ് മുഹസിൻ MLA യ്ക്കു പുറമേ സി.ആർ. മഹേഷ് MLA, കെ.സുരേഷ് കുറുപ്പ് Ex MLA, കെ.സോമപ്രസാദ് MP തുടങ്ങിയവരും ഇന്ദ്രൻസ്, ഋതേഷ്, പ്രേംകുമാർ, സാഗര, വിനു മോഹൻ, രമേഷ് പിഷാരടി, ഉല്ലാസ് പന്തളം, അരിസ്റ്റോ സുരേഷ്, കോബ്ര രാജേഷ്, ജയകുമാർ(തട്ടീം മുട്ടീം ഫെയിം), രശ്മി അനിൽ, സോണിയ മൽഹാർ, വി.കെ. ബൈജു തുടങ്ങിയ പ്രസിദ്ധ താരങ്ങളും വ്യത്യസ്ത മേഖലകളിലെ ശ്രദ്ധേയരായ പി.കെ. മേദിനി, ഉണ്ണി മേനോൻ, സി.ജെ. കുട്ടപ്പൻ, നാസർ മാനു, സൂസൻ കോടി, ഡോൾഫിൻ രതീഷ് തുടങ്ങിയവരും മത്സരിച്ചഭിനയിക്കുന്നു.
നന്മകളുടെ നിരവധി സന്ദേശങ്ങളുള്ള ഈ ചിത്രം മാധ്യമങ്ങളിലൂടെയും സാമൂഹ്യ മാധ്യമങ്ങളിലൂടെയും ഏറെ ചർച്ച ചെയ്യപ്പെടുന്നുണ്ട്.
ചൊവ്വാഴ്ച വൈകീട്ട് സഭാംഗങ്ങൾക്കായി നടത്തുന്ന പ്രത്യേക പ്രദർശനത്തിൽ എം.എ.ബേബി, വി.എം.സുധീരൻ, കാനം രാജേന്ദ്രൻ, പന്ന്യൻ രവീന്ദ്രൻ തുടങ്ങിയ നേതാക്കളും പ്രസിദ്ധ ചലചിത്ര താരങ്ങളും മറ്റും അതിഥികളായി എത്തും.
English Summary: Special screening of Mohammad Muhsin MLA starrer ‘Thee’ on 22–02-22 on Tuesday at 5.30 pm in the Assembly Hall!
You may like this video also
