ബോളിവുഡ് താരം സുസ്മിത സെന്നിന് ഹൃദയാഘാതം. ഏതാനും ദിവസം മുൻപ് തനിക്ക് ഹൃദയാഘാതം ഉണ്ടായതായി നടി തന്നെയാണ് അറിയിച്ചത്. ആൻജിയോപ്ലാസ്റ്റിക്ക് വിധേയനായതായും ആരോഗ്യനില ഇപ്പോൾ തൃപ്തികരമാണെന്നും താരം സമൂഹമാധ്യമങ്ങളിൽ കുറിച്ചു.
അച്ഛന്റെ വാക്കുകൾ പങ്കുവെച്ചാണ് ഹൃദയാഘാതം അതിജീവിച്ചതിനെ കുറിച്ച് സുസ്മിത ഇൻസ്റ്റഗ്രാമിലൂടെ അറിയിച്ചത്. ഹൃദയത്തെ സന്തോഷമായും ധൈര്യമായും നിലനിർത്തുക, ഏറ്റവും ആവശ്യമുള്ള ഘട്ടത്തിൽ അത് നിങ്ങൾക്ക് ഉപകരിക്കും…എന്റെ പിതാവിന്റെ വാക്കുകളാണ്. ഏതാനും ദിവസം മുൻപ് എനിക്ക് ഹൃദയാഘാതമുണ്ടായി. ആൻജിയോപ്ലാസ്റ്റി ചെയ്തു. സ്റ്റെന്റ് ഉപയോഗിച്ചു, ഇൻസ്റ്റയിൽ സുസ്മിത കുറിക്കുന്നു. ഇപ്പോൾ സുഖമായിരിക്കുന്നു. ഇനിയും ജീവിക്കാൻ ഞാൻ റെഡിയായിരിക്കുന്നു. എല്ലാവരോടും സ്നേഹം എന്ന് പറഞ്ഞാണ് സുസ്മിത പോസ്റ്റ് അവസാനിപ്പിക്കുന്നത്.
English Summary: Sushmita Sen suffers heart attack
You may also like this video
