ടി20 ലോകകപ്പിന്‍റെ മുഖ്യ പരിശീലകനായി കാലാവധി പൂര്‍ത്തിയാക്കിയ മുന്‍ ഇന്ത്യന്‍ ക്യാപ്റ്റന്‍ രാഹുല്‍ ദ്രാവിഡിന് ഹൃദയംഗമമായ വിടവാങ്ങല്‍ നല്‍കി ഇന്ത്യന്‍ ടീം ഫിസിയോ കംലേഷ് ജയിന്‍.ബാര്‍ബഡോസില്‍ നടന്ന ടി20 ലോകകകപ്പില്‍ രോഹിത് ശര്‍മ്മയുടെ നേതൃത്വത്തിലുള്ള സംഘം കപ്പുയര്‍ത്തിയോടെയയായിരുന്നു ദ്രാവിഡിന്‍റെ കാലാവധി അവസാനിച്ചത്.ടി20 ലോകകപ്പ് ഇന്ത്യന്‍ ക്യാപ്റ്റന്‍ രോഹിത് ശര്‍മ്മയുടെയും അവസാന മത്സരമായിരുന്നു.വിരാട് കൊഹ്ലിക്കും രവീന്ദ്ര ജഡേജയ്ക്കുമൊപ്പം അദ്ദേഹത്തിന്‍റെയും വിരമിക്കല്‍ പ്രഖ്യാപിച്ചു.
രോഹിത്തിനും ദ്രാവിഡിനുമുള്ള വിടവാങ്ങല്‍ പോസ്റ്റുകള്‍ പ്രവഹിക്കുമ്പോള്‍ ഇന്ത്യന്‍ ടിം ഫിസിയോ കംലേഷ് ജയിനും എല്ലാവരിലും സ്വാധീനം ചെലുത്തിയ രോഹിത്തിനും ദ്രാവിഡിനും നന്ദി അറിയിച്ചുകൊണ്ടുള്ള പോസ്റ്റ് പങ്ക് വച്ചിരിക്കുകയാണ്.”രണ്ട് നിസ്വാര്‍ത്ഥരായ വ്യക്തികള്‍ക്കൊപ്പം നില്‍ക്കുമ്പോള്‍ ഒരാള്‍ക്കൊപ്പം പ്രവ‍ര്‍ത്തിക്കുന്നതായി പ്രതീക്ഷിക്കാം.അവരുടെ ക്രിക്കറ്റ് നേട്ടങ്ങള്‍,റണ്‍സ്,ക്യാച്ചുകള്‍,നേതൃപാടവം എന്നിവയെക്കുറിച്ച് ഞാന്‍ പ്രത്യേകം കുറിയ്ക്കേണ്ടതില്ലല്ലോ.എന്നിരുന്നാലും അവരുടെ മറ്റുള്ളവരോടുള്ള ബഹുമാനപൂര്‍വ്വമായ പെരുമാറ്റവും എല്ലാവര്‍ക്കും അവര്‍ നല്‍കുന്ന വിലയും എടുത്തു പറയാതിരിക്കാന്‍ കഴിയില്ലെന്നും അദ്ദേഹം തന്റെ ഇന്‍സ്റ്റഗ്രാം അക്കൗണ്ടില്‍ കുറിച്ചു.വിലമതിക്കാനാകാത്ത ഒരുപാട് സമയങ്ങള്‍ അവര്‍ സമ്മാനിച്ചിട്ടുണ്ട്.തുടര്‍ച്ചയായ വിജയങ്ങള്‍ ഉണ്ടായിട്ടുപോലും കൂടുതല്‍ നന്നാക്കാന്‍ എന്തൊക്കെ ചെയ്യാം എന്ന കാര്യത്തില്‍ അവര്‍ ശ്രദ്ധ കേന്ദ്രീകരിച്ചിരുന്നു എന്നും കംലേഷ് കൂട്ടിച്ചേര്‍ത്തു.
English Summary;Team India Physio Pays Heartfelt Tribute To Rahul Dravid, Rohit Sharma
You can also like this video
