കേരള പൊലീസ് അസോസിയേഷൻ സിറ്റി ജില്ലാ കമ്മിറ്റിയുടെ സമ്മേളനത്തിന്റെ ഭാഗമായി നവകേരളത്തിലെ പൊലീസും സ്ത്രീ സുരക്ഷയും എന്ന വിഷയത്തെ അധികരിച്ച് സംഘടിപ്പിച്ച സെമിനാർ കേരള സംസ്ഥാന ഭക്ഷ്യകമ്മീഷൻ അംഗം അഡ്വ. സബീദാ ബീഗം ഉദ്ഘാടനം ചെയ്തു. കേരളാ യൂണിവേഴ്സിറ്റി സിൻഡിക്കേറ്റ് അംഗം രഞ്ജു സുരേഷ് വിഷയാവതരണം നടത്തി. ഹിന്ദു പത്രത്തിന്റെ പ്രിൻസിപ്പൽ കറസ്പോണ്ടന്റ് നവമി സുധീഷ്, കെപിഎ സംസ്ഥാന പ്രസിഡന്റ് എസ് ആർ ഷിനോദാസ്, വനിതാ സെൽ സർക്കിൾ ഇൻസ്പെക്ടർ ജി അനിലകുമാരി, കെപിഒഎ ജില്ലാ ജോയിന്റ് സെക്രട്ടറി ജിജു സി നായർ, കെപിഎ കൊല്ലം സിറ്റി. ജില്ലാ സെക്രട്ടറി എസ് ഷഹീർ എന്നിവർ സംസാരിച്ചു.
കെപിഎ ജില്ലാ കമ്മിറ്റി അംഗം ഒ പ്രഭ അദ്ധ്യക്ഷത വഹിച്ച സെമിനാറിൽ കെപിഎ ജില്ലാ കമ്മിറ്റി അംഗം എസ് റജീന ബീവി സ്വാഗതവും കെപിഎ ജില്ലാ കമ്മിറ്റി അംഗം എസ് രാജശ്രീ നന്ദിയും പറഞ്ഞു. സംഘടനാ ഭാരവാഹികളായ വിജയൻ, സി വിമൽകുമാർ, ഡി പ്രവീൺകുമാർ, ബിനൂപ്, നെരൂദ, മഞ്ജു എന്നിവർ പങ്കെടുത്തു.
സെമിനാർ സംഘടിപ്പിച്ചു
