ക്യൂ തെറ്റിച്ച എംഎല്‍എയെ ചോദ്യം ചെയ്തതിന് വോട്ടര്‍ക്ക് മര്‍ദ്ദനം: തിരിച്ചടിച്ച് വോട്ടറും, സംഘര്‍ഷത്തിന്റെ വീഡിയോ വൈറല്‍

തെലങ്കാനയില്‍ വോട്ട് ചെയ്യാനുള്ള ക്യൂ തെറ്റിച്ച എംഎല്‍എയെ ചോദ്യം ചെയ്ത വോട്ടര്‍ക്ക് മര്‍ദ്ദനം. ഗുണ്ടൂർ ജില്ലയിലെ പോളിംഗ് ബൂത്തിലാണ് ക്യൂ തെറ്റിച്ച നിയമസഭാംഗം വരിതെറ്റിച്ച് വോട്ട് ചെയ്യാൻ ശ്രമിച്ചത്. ചോദ്യം ചെയ്ത വോട്ടറെ എംഎല്‍എ മര്‍ദ്ദിച്ചതോടെ സംഭവം സംഘര്‍ഷത്തിലേക്ക് വഴിമാറി. 

തെനാലിയിലെ വൈഎസ്ആർ കോൺഗ്രസ് പാർട്ടി എംഎൽഎ എ ശിവകുമാർ വോട്ടറുടെ അടുത്തേക്ക് വരുന്നതും മുഖത്ത് അടിക്കുന്നതും വൈറലായ വീഡിയോയിൽ കാണാം. 

ശിവകുമാറിനെ വോട്ടര്‍ തിരിച്ചടിച്ചതോടെയാണ് സംഭവം സംഘര്‍ഷത്തിന് വഴിമാറിയത്. തുടര്‍ന്ന് എംഎല്‍എയുടെ അനുയായികള്‍ വോട്ടറെ ആക്രമിക്കുന്നതും വീഡിയോയില്‍ കാണാം. 

അതേസമയം വോട്ടറെ രക്ഷിക്കാൻ സുരക്ഷാ ഉദ്യോഗസ്ഥർ ഇടപെടുന്നില്ല. വോട്ടർക്ക് നേരെയുള്ള എംഎൽഎയുടെ ആക്രമണം സോഷ്യൽ മീഡിയയിൽ രൂക്ഷമായ വിമർശനത്തിന് കാരണമായി. 

ആന്ധ്രാപ്രദേശിലെ 25 ലോക്‌സഭാ സീറ്റുകളിലേക്കും 175 നിയമസഭാ സീറ്റുകളിലേക്കുമാണ് വോട്ടെടുപ്പ് പുരോഗമിക്കുന്നത്. 

Eng­lish Sum­ma­ry: Vot­er thrashed for ques­tion­ing MLA who missed queue: Vot­er retal­i­ates, video of clash goes viral

You may also like this video