തോളൂർ ആറാംവാർഡിലെ പുതിയ അങ്കണവാടി കെട്ടിടത്തിന്റെ ഉദ്ഘാടനം സേവ്യർ ചിറ്റിലപ്പിള്ളി എംഎൽഎ നിർവഹിച്ചു. പഞ്ചായത്ത് പ്രസിഡന്റ്‌ ശ്രീകല കുഞ്ഞുണ്ണി അധ്യക്ഷയായി. എംഎൽഎയുടെ ആസ്തിവികസന ഫണ്ടിൽനിന്ന്‌ 18 ലക്ഷം രൂപ ചെലവഴിച്ച് 600 ചതുരശ്ര അടി വിസ്തീർണത്തിലുള്ള കെട്ടിടമാണ് നിർമിച്ചത്.
പ്രദേശവാസിയും പറപ്പൂർ സഹകരണ ബാങ്ക് വൈസ് പ്രസിഡന്റുമായ പൊറുത്തൂർ വീട്ടിൽ പി.കെ. ജേക്കബ് സൗജന്യമായി പഞ്ചായത്തിന് നൽകിയ മൂന്ന് സെന്റ്‌ സ്ഥലത്താണ് കെട്ടിടം നിർമിച്ചത്.