ഓസ്കർ ജൂറി അംഗമാകാന്‍ ഇന്ത്യൻ ചലച്ചിത്ര നടൻമാര്‍ക്കും സംവിധായകര്‍ക്കും ക്ഷണം. അക്കാദമി ഓഫ് മോഷൻ പിക്ചർ ആർട്സ് ആന്റ് സയൻസസിന്റെ അക്കാദമി അംഗങ്ങളാകാനാണ് ക്ഷണിച്ചത്. പ്രശസ്ത സംവിധായകൻ എസ് എസ് രാജമൗലി, ഭാര്യ രമാ രാജമൗലി, അഭിനേത്രി ഷബാനാ ആസ്മി, റിതേഷ് സിദ്‍വാനി, ഛായാഗ്രഹകനായ രവി വര്‍മ്മൻ, ചലചിത്ര നിര്‍മ്മാതാവ് റിമ ദാസ്, നാട്ടു നാട്ടുവിന്റെ കൊറിയോഗ്രാഫര്‍ പ്രേം രക്ഷിത് തുടങ്ങിയവര്‍ക്കാണ് ക്ഷണം.
ഈ വർഷം ഓസ്കാർ കമ്മിറ്റിയിലേക്ക് പരിഗണിക്കുന്ന അംഗങ്ങളുടെ എണ്ണം 487 ആക്കി ഉയര്‍ത്തിതായും അക്കാദമി അറിയിച്ചു. നേരത്തെ 398 ആയിരുന്നു. അക്കാദമിയിലേക്ക് പുതിയ അംഗങ്ങളെ ക്ഷണിക്കുന്നതില്‍ സന്തോഷമുണ്ടെന്ന് അക്കാദമി സിഇഒ ബിൽ ക്രാമർ, അക്കാദമി പ്രസിഡന്റ് ജാനറ്റ് യാങ് എന്നിവര്‍ പറഞ്ഞു.
English summary:
you may also like this video