ജില്ലാ പഞ്ചായത്ത് ഭരണിക്കാവ് ഡിവിഷൻ അംഗം നികേഷ് തമ്പിയുടെ നേതൃത്വത്തിൽ ‘സർഗ്ഗപ്രഭ — 2023’ എന്ന പേരിൽ ആദരവും അനുമോദനവും നടത്തി. എസ് എസ് എൽ സി, പ്ലസ് ടു, സി ബി എസ് സി, ഐ സി എസ് സി പരീക്ഷകളിൽ ഉന്നത വിജയം നേടിയ വിദ്യാർത്ഥികൾക്കും ബിരുദ ‑ബിരുദാനന്തര റാങ്ക് ജേതാക്കൾക്കും വിവിധ മേഖലകളിലെ പ്രതിഭകൾക്കുമാണ് അനുമോദനവും ആദരവും നൽകിയത്.
സംസ്ഥാന നിയമസഭ ചീഫ് വിപ്പ് ഡോ. എൻ ജയരാജ് ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് കെ ജി രാജേശ്വരി അധ്യക്ഷത വഹിച്ചു. എം എൽ എ മാരായ യു പ്രതിഭാഹരി, എം എസ് അരുൺകുമാർ, ജില്ലാ പഞ്ചായത്ത് മുൻ പ്രസിഡന്റ് ആർ നാസർ എന്നിവർ വിദ്യാർത്ഥികളെയും പ്രതിഭകൾകളെയും അനുമോദിക്കുകയും ആദരിക്കുകയും ചെയ്തു. ഭരണിക്കാവ് ബ്ലോക്ക് പഞ്ചായത്ത് പ്രസിഡന്റ് എസ് രജനി, ഗ്രാമ പഞ്ചായത്തു പ്രസിഡന്റുമാരായ ബിജി പ്രസാദ്, ജി വേണു, കെ ദീപ, കെ ആർ അനിൽകുമാർ, സംഘാടക സമിതി ചെയർമാൻ നികേഷ് തമ്പി, എൻ മോഹൻ കുമാർ തുടങ്ങിയവർ സംസാരിച്ചു.