ഹേമ കമ്മറ്റി റിപ്പോർട്ടിനെ തുടർന്ന് വ്യാജ പരാതി വ്യാപകമാകുന്ന സാഹചര്യത്തിൽ സർക്കാർ ശ്രദ്ധപതിപ്പിക്കണമെന്ന് കേരള ഫിലിം പ്രൊഡ്യുസേഴ്സ് അസോസിയേഷൻ. ആർക്കും ആർക്കെതിരെയും എന്ത് ആരോപണവും ഉന്നയിക്കാമെന്ന അവസ്ഥ സിനിമ മേഖലയെ മാത്രമല്ല സമൂഹത്തെയും സാരമായി ബാധിക്കും.
പരാതിയുടെ മറവിൽ ബ്ലാക്ക് മെയിലിങ്ങിനും ഭീക്ഷണിപെടുത്തലിനും കളമൊരുങ്ങുന്നുണ്ട്. എന്നാൽ തെറ്റ് ചെയ്‌തവർ ശിക്ഷിക്കപ്പെടുക തന്നെ വേണമെന്നാണ് അസോസിയേഷന്റെ നിലപാട്. വ്യക്തി വൈരാഗ്യം തീർക്കാനായി അന്വേഷണ സംഘത്തെ ഉപയോഗപ്പെടുത്തുന്നത് സർക്കാർ ഗൗരവമായി കാണണമെന്നും അസോസിയേഷൻ സെക്രട്ടറി ബി രാജേഷ് പ്രസ്താവനയിൽ പറഞ്ഞു.