കാനഡയിലെ സസ്‌കാഷ്വെന്‍ പ്രവിശ്യയിലുണ്ടായ കത്തിയാക്രമണത്തില്‍ പത്തുപേര്‍ കൊല്ലപ്പെട്ടു. രണ്ട് സ്ഥലങ്ങളിലായാണ് ആക്രമണം നടന്നത്. പതിനഞ്ച് പേര്‍ക്ക് പരിക്കേറ്റിട്ടുണ്ട്. സസ്‌കാഷ്വെന്‍ പ്രവിശ്യയിലെ ജെയിംസ് സ്മിത്ത് ക്രീ നേഷന്‍, സമീപ നഗരമായ വെല്‍ഡന്‍ എന്നിവിടങ്ങളിലാണ് അക്രമണമുണ്ടായത്. സംഭവവുവമായി ബന്ധമുണ്ടെന്ന് കരുതുന്ന രണ്ട് പേര്‍ക്കുവേണ്ടി പൊലീസ് അന്വേഷണം ഊര്‍ജ്ജിതമാക്കി. പോലീസ് സ്ഥലത്തെത്തിയപ്പോഴേക്കും പത്തുപേരും മരണപ്പെട്ടിരുന്നു. പരിക്കേറ്റവരെ ആശുപത്രിയിലേക്ക് മാറ്റി. ആക്രമണത്തിനുശേഷം രണ്ടുപേരും വാഹനത്തില്‍ കയറി രക്ഷപ്പെടുകയായിരുന്നു. പ്രതികളെന്ന് കരുതുന്ന മെയില്‍സ്, ഡാമിയെന്‍ സാന്‍ഡേഴ്‌സണ്‍ എന്നിവരെ തിരിച്ചറിഞ്ഞിട്ടുണ്ടെന്ന് അധികൃതര്‍ അറിയിച്ചു. ജെയിംസ് സ്മിത് ക്രീ നേഷനില്‍ പ്രാദേശിക അടിയന്തരാവസ്ഥ പ്രഖ്യാപിച്ചു.
English Summary: 10 killed in knife attack in Canada
You may like also
