ബിഹാറിലെ ദനാപൂരില്‍ 55 പേരോളം യാത്രക്കാരുമായി ഗംഗാ നദിയിലൂടെ സഞ്ചരിക്കുകയായിരുന്ന ബോട്ട് മുങ്ങി 10 പേരെ കാണാതായി. ഇവര്‍ക്കായുള്ള തെരച്ചില്‍ തുടരുകയാണ്. ഞായറാഴ്ച വൈകിട്ട് തൊഴിലാളികളുമായി ദനാപൂരിലേക്ക് വന്ന ബോട്ട് ഷാഹ്പൂര്‍ പ്രദേശത്ത് വച്ച് നദിയില്‍ മുങ്ങിത്താഴുകയായിരുന്നു.
അപകടം അറിഞ്ഞയുടന്‍ ദുരന്തനിവാരണസേന സ്ഥലത്തെത്തി രക്ഷാപ്രവര്‍ത്തനം ആരംഭിച്ചു. കാണാതായവര്‍ക്കായി തെരച്ചില്‍ ഊര്‍ജിതമായി തുടരുകയാണെന്ന് അധികൃതര്‍ അറിയിച്ചു. പട്നയിലെ ദൗദ്പൂര്‍ പ്രദേശത്തു നിന്നുള്ളവരാണ് ബോട്ടിലുണ്ടായിരുന്നത്.
English summary; 10 people missing after boat sank In the river Ganges
You may also like this video;
