പെറുവിൽ ബസ് കൊക്കയിലേക്ക് മറിഞ്ഞ് രണ്ട് കുട്ടികളടക്കം 11 പേർ മരിക്കുകയും 34 പേർക്ക് പരിക്കേൽക്കുകയും ചെയ്തു. ശനിയാഴ്ച ഉച്ചയ്ക്ക് ലിമയുടെ വടക്ക് ഭാഗത്തുള്ള അൻകാഷ് മേഖലയിലെ ഒരു കൊക്കയിലെ 100 മീറ്റർ (330 അടി) താഴേക്ക് മറിഞ്ഞാണ് അപകടമുണ്ടായതെന്ന് അധികൃതര്‍ അറിയിച്ചു.
ലാ ലിബർട്ടാഡിന്റെ വടക്കൻ മേഖലയിൽ നിന്ന് തയാബാംബ ഹൈവേയിലൂടെ ലിമയിലേക്ക് പോവുകയായിരുന്നു ബസ്. പരിക്കേറ്റവരെ സിഹുവാസ് പ്രവിശ്യയിലെ പ്രാദേശിക ആശുപത്രിയിൽ പ്രവേശിപ്പിച്ചു.
അപകടകാരണം അന്വേഷിച്ചുവരികയാണെന്ന് അധികൃതർ അറിയിച്ചു. അമിതവേഗത, മോശം റോഡ് ഉപരിതലം, അടയാളങ്ങളുടെ അഭാവം, അധികാരികളുടെ നിയമങ്ങൾ പാലിക്കാത്തത് എന്നിവ കാരണം പെറുവിൽ റോഡപകടങ്ങൾ പതിവാണെന്നാണ് റിപ്പോര്‍ട്ടുകള്‍. ഫെബ്രുവരിയിലും പെറുവിലെ വടക്കൻ പട്ടണമായ തയബാംബയിൽ ബസ് കൊക്കയിലേക്ക് മറിഞ്ഞ് 20 പേർ മരിച്ചിരുന്നു.
English Summary: 11 ki-lled, 34 injured in bus accident in Peru
You may like this video also
