ആസാമിലെ നാല് ജില്ലകളിലായി വിഷ കൂൺ കഴിച്ച് 13 മരണം. കഴിഞ്ഞ രണ്ട് ദിവസത്തിനിടെയാണ് മരണങ്ങള്‍ സംഭവിച്ചത്. കൂൺ വിഷബാധയേറ്റവര്‍ അസം മെഡിക്കൽ കോളേജ് ആൻഡ് ഹോസ്പിറ്റലിൽ (എഎംസിഎച്ച്) ചികിത്സയിലിരിക്കെയാണ് മരിച്ചത്.
ചാരൈഡിയോ, ദിബ്രുഗഡ്, ശിവസാഗർ, ടിൻസുകിയ എന്നിവിടങ്ങളിൽ നിന്ന് കഴിഞ്ഞ അഞ്ച് ദിവസത്തിനുള്ളിൽ 35 രോഗികളെ കൂൺ വിഷബാധയേറ്റ് അസം മെഡിക്കൽ കോളജിൽ പ്രവേശിപ്പിച്ചിരുന്നു. ഭക്ഷ്യയോഗ്യമായ കൂൺ എന്ന് തെറ്റിദ്ധരിച്ചാണ് ആളുകള്‍ കൂണ്‍ കഴിച്ചത്.
കഴിച്ചതിനുശേഷം ഛർദ്ദിയും വയറുവേദനയും അനുഭവപ്പെട്ടതോടെയാണ് ആശുപത്രിയില്‍ പ്രവേശിപ്പിച്ചത്. തെയിലതോട്ട തൊഴിലാളികളാണ് മരിച്ചവരിലേറയും.
English summary; 13 Die After Consuming Poisonous Mushrooms In Assam
You may also like this video;
