ഉത്തര്‍പ്രദേശില്‍ തീര്‍ത്ഥാടകരുമായി പോയ ട്രാക്ടര് കുളത്തിലേക്ക് മറിഞ്ഞ് 24 പേര്‍ മരിച്ചു. ഇതില്‍ എട്ട് പേര്‍ കുട്ടികളും 13 പേര്‍ സ്‌ത്രീകളുമാണ്. പതിനഞ്ച് പേര്‍ക്ക് അപകടത്തില്‍ പരിക്കേറ്റു. മരണസംഖ്യ ഉയർന്നേക്കും. ശനിയാഴ്ച രാവിലെ പത്ത് മണിയോടെ കസ്‌ഗഞ്ച് ജില്ലയിലെ പട്യാലി ദരിയാവ്‌ഗഞ്ച് റോഡിലായിരുന്നു അപകടം.
ഗംഗാ സ്‌നാനത്തിന് പോയവരാണ് അപകടത്തില്‍ പെട്ടത്. മറ്റൊരു വാഹനത്തെ മറികടക്കാനുള്ള ശ്രമത്തിനിടെ എട്ട് അടിയോളം ആഴമുള്ള കുളത്തിലേക്ക് ട്രാക്ടര് പതിക്കുകയായിരുന്നു. രക്ഷപ്പെട്ടവരെ കാസ്ഗഞ്ച് ജില്ലാ ആശുപത്രിയില്‍ പ്രവേശിപ്പിച്ചു. മരിച്ചവരുടെ അടുത്ത ബന്ധുക്കള്‍ക്ക് രണ്ട് ലക്ഷം രൂപയും പരിക്കേറ്റവര്‍ക്ക് അമ്പതിനായിരം രൂപയും മുഖ്യമന്ത്രി ആദിത്യനാഥ് ആശ്വാസ ധനം പ്രഖ്യാപിച്ചു. പരിക്കേറ്റവര്‍ക്കെല്ലാം സൗജന്യ ചികിത്സ ഉറപ്പാക്കുമെന്നും അദ്ദേഹം അറിയിച്ചു.
English Summary: 15 Including 7 Children Killed As Tractor Falls In UP
You may also like this video
