ഡോൾഫിനുകളുടെ സമീപം നീന്താൻ നദിയിൽ ഇറങ്ങിയ 16കാരി സ്രാവിന്റെ ആക്രമണത്തിൽ കൊല്ലപ്പെട്ടു. പടിഞ്ഞാറൻ ഓസ്‌ട്രേലിയയിലെ നോർത്ത് ഫ്രീമാന്റിലിലെ പെർത്തിന്റെ വിദൂര പ്രദേശത്താണ് സംഭവം. ഡോൾഫിനുകൾക്ക് സമീപത്തായി നീന്താൻ ഇറങ്ങിയ കുട്ടിയെ സ്രാവ് ആക്രമിക്കുകയായിരുന്നു. എന്നാൽ, ഏത് ഇനത്തിൽ പെട്ട സ്രാവാണ് കുട്ടിയെ ആക്രമിച്ചത് എന്നത് വ്യക്തമല്ല.
ഇവിടെ ഡോൾഫിനുകളുടെ കൂട്ടത്തെ കാണാറുണ്ട്. അതിന് സമീപം നീന്താനായിരിക്കാം കുട്ടി ചാടിയത് എന്നാണ് കരുതുന്നത്. പെൺകുട്ടിയെ രക്ഷിച്ച് കരയിലെത്തിക്കാൻ ശ്രമിച്ചു എങ്കിലും സാധിച്ചില്ല. പെൺകുട്ടി നദിക്കരയിൽ സുഹൃത്തുക്കൾക്കൊപ്പമാണ് ഉണ്ടായിരുന്നത് എന്നും പൊലീസ് പത്രസമ്മേളനത്തിൽ പറഞ്ഞു. സംഭവത്തെത്തുടർന്ന്, നോർത്ത് ഫ്രീമാന്റിലിലെ സ്വാൻ നദിയുടെ അടുത്ത് കഴിയുന്ന ആളുകൾ കൂടുതൽ ജാഗ്രത പാലിക്കണമെന്നും സംസ്ഥാന സർക്കാർ മുന്നറിയിപ്പ് നൽകിയിട്ടുണ്ട്.
English Summary: 16-Year-Old Girl Killed By Shark During Swim With Dolphins in Australia
You may also like this video
