മഹാരാഷ്ട്രയിൽ മുതലകൾ നിറഞ്ഞ നദിയിലെ ചെളിക്കുഴിയിൽ അഞ്ചു ദിവസം അകപ്പെട്ടുപോയ 16കാരനെ രക്ഷപ്പെടുത്തി. പശ്ചിമ മഹാരാഷ്ട്ര ജില്ലയിലാണ് സംഭവം. മാർച്ച് 18ന് വീട്ടിൽ നിന്നും വഴക്കിട്ടിറങ്ങിയ ആദിത്യനെന്ന കൗമാരക്കാരനാണ് മുതലകൾ ധാരാളമുള്ള പഞ്ചഗംഗ നദിയിലെ ചെളിക്കുഴിയിൽ അകപ്പെട്ടുപോയതായിരുന്നു.
പുലർച്ചെ വീടുവിട്ടുപോയ ആദ്യത്യനായുള്ള കുടുംബത്തിന്റെ തിരച്ചിലിനിടയിൽ വീട്ടിൽ നിന്ന് ഒരു കിലോമീറ്റോളം ദൂരമുള്ള നദി തീരത്ത് നിന്നും ചെരുപ്പ് കണ്ടെത്തുകയായിരുന്നു. തുടർന്ന് നടത്തിയ തിരച്ചിലിലൊന്നും കുട്ടിയെ കണ്ടെത്താൻ സാധിച്ചില്ല. ഇതോടെ കുടുംബം പൊലീസ് പരാതി നൽകി.
പിന്നീടുള്ള ദിവസങ്ങളിൽ ഡ്രോൺ ഉപയോഗിച്ചും മറ്റും നദിയിലും സമീപ പ്രദേശങ്ങളിലും തിരിച്ചയിൽ നടത്തിയെങ്കിലും കുട്ടിയെ കണ്ടെത്താനായില്ല. വെള്ളിയാഴ്ച വൈകുന്നേരം നദിയിൽതെരച്ചിൽ നടത്തിയ സംഘം തിരിച്ചു പോവാൻ നേരം സമീപത്തെ പാറയ്ക്ക് പിന്നിൽ നിന്ന് നിലവിളി കേട്ടപ്പോഴാണ് ചെളിയിൽ പൂണ്ട നിലയിൽ ആദ്യത്യയെ കണ്ടെത്തിയത്. കുളവാഴകൾ നിറഞ്ഞ പ്രദേശമായതിനാലണ് കുട്ടിയ കണ്ടെത്താൻ സാധിച്ചിരുന്നില്ല. കാലിന് പൊട്ടൽ ഉണ്ടായിരുന്ന ആദിത്യനെ ആശുപത്രിയിൽ പ്രവേശിപ്പിച്ചു. നദിയിൽ കുട്ടിയ്ക്കായുള്ള തിരച്ചിലിനിടെ നിരവധി മുതലകളെ കണ്ടെന്ന് സംഘത്തിള്ളവർ പറഞ്ഞു.
English Summary:16-year-old stuck in crocodile-infested river for five days; A miraculous escape from the mud pit
You may also like this video
