തുമകൂരു ബെല്‍ഗുംബയില്‍ വീട്ടില്‍ കളിച്ചുകൊണ്ടിരിക്കെ വൈദ്യുതാഘാതമേറ്റ് രണ്ടുകുട്ടികള്‍ മരിച്ചു. ബെല്‍ഗുംബ സ്വദേശികളായ യതീഷ് (14), പ്രജ്ജ്വല്‍ (14) എന്നിവരാണ് മരിച്ചത്. അയല്‍വാസിയുടെ വീടിന്റെ ടെറസില്‍ കളിച്ചുകൊണ്ടിരിക്കെ കുട്ടികള്‍ വൈദ്യുതലൈനില്‍ പിടിച്ചതോടെയാണ് ആഘാതമേറ്റത്.
സമീപവാസികള്‍ ഉടന്‍തന്നെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. അതേസമയം, വൈദ്യുതിവിതരണ കമ്പനിയായ ബെസ്‌കോമിന്റെ അനാസ്ഥയാണ് കുട്ടികള്‍ക്ക് ഷോക്കേല്‍ക്കാനിടയാക്കിയതെന്ന് പ്രദേശവാസികള്‍ ആരോപിച്ചു. സംഭവത്തില്‍ തുമകൂരു റൂറല്‍ പൊലീസ് കേസെടുത്തു.
English Summary: 2 teenagers electrocuted in Tumakuru
You may also like this video
