2023ലേക്കുള്ള ഐപിഎല് താരലേലം ഈ വര്ഷം ഡിസംബര് 16ന് നടക്കുമെന്ന് റിപ്പോര്ട്ട്. സീസണിൽ ഹോം, എവേ രീതിയിലാവും മത്സരങ്ങൾ. കോവിഡ് ബാധയുടെ പശ്ചാത്തലത്തിൽ കഴിഞ്ഞ മൂന്ന് സീസണുകൾ തെരഞ്ഞെടുക്കപ്പെട്ട വേദികളിൽ മാത്രമാണ് നടന്നത്.
മാര്ച്ച് അവസാന വാരത്തോടെ ടൂര്ണമെന്റ് ആരംഭിക്കും. താരലേലത്തില് ഒരു ടീമിന് പരമാവധി മുടക്കാവുന്ന തുക 90 കോടിയില് നിന്ന് 95 കോടിയായി ഉയര്ത്തിയേക്കുമെന്നും റിപ്പോര്ട്ടില് പറയുന്നു. കഴിഞ്ഞ വര്ഷം വലിയ താരലേലം നടന്നതിനാല് ഇത്തവണ ടീമുകളില് വലിയ മാറ്റങ്ങളുണ്ടാകില്ല. ഗുജറാത്ത് ടൈറ്റന്സാണ് കഴിഞ്ഞ സീസണില് കിരീടമുയര്ത്തിയത്. ലീഗ് ഘട്ടത്തിൽ ഓരോ ടീമുകളും രണ്ട് തവണ വീതം പരസ്പരം ഏറ്റുമുട്ടും. പോയിന്റ് പട്ടികയിൽ ഒന്നാമത് എത്തുന്ന ടീം നേരിട്ട് ഫൈനലിലെത്തും.
English Summary:2023 IPL auction on 16th December