സുഡാനിൽ നൈൽ നദിയിൽ ബോട്ട് മറിഞ്ഞ് 21 മരണം

വടക്കൻ സുഡാനിലെ റിവർ നൈൽ സ്റ്റേറ്റിൽ യാത്രക്കാരുമായി പോയ ബോട്ട് നൈൽ നദിയിൽ മറിഞ്ഞ് സ്ത്രീകളും കുട്ടികളുമടക്കം 21 പേർ മരിച്ചു. തൈബ അൽ ഖവാദ്, ദെയിം അൽ ഖറായി എന്നീ ഗ്രാമങ്ങൾക്കിടയിൽ സഞ്ചരിച്ച ബോട്ടാണ് അപകടത്തിൽപ്പെട്ടത്. മുപ്പതോളം യാത്രക്കാരാണ് ബോട്ടിലുണ്ടായിരുന്നത്. ഷെൻഡി മേഖലയിൽ ബുധനാഴ്ച വൈകുന്നേരമുണ്ടായ ശക്തമായ തിരമാലകളാണ് ബോട്ട് മറിയാൻ കാരണമായതെന്ന് ദൃക്സാക്ഷികൾ പറഞ്ഞു. ആറുപേർ അപകടത്തിൽ നിന്ന് രക്ഷപ്പെട്ടു. കാണാതായവർക്കായി തിരച്ചിൽ തുടരുകയാണെന്നും കൂടുതൽ മൃതദേഹങ്ങൾ കണ്ടെത്താൻ സാധ്യതയുണ്ടെന്നും മെഡിക്കൽ സംഘം വ്യക്തമാക്കി.