തേനിയില്‍ അയ്യപ്പഭക്തര്‍ സഞ്ചരിച്ചിരുന്ന വാഹനങ്ങള്‍ കൂട്ടിയിടിച്ച് 10 വയസുകാരന്‍ ഉള്‍പ്പെടെ 3 പേര്‍ മരിച്ചു. 17 പേര്‍ ഗുരുതര പരിക്കുകളോടെ തേനി മെഡിക്കല്‍ കോളജ് ആശുപത്രിയില്‍ ചികിത്സയിലാണ്. കനിഷ്ക്(10), നാഗരാജ്(45), സൂര്യ(23) എന്നിവരാണ് മരിച്ചത്. സേലത്തെ യുമുപിള്ളയില്‍ നിന്ന് ശബരിമലയിലേക്ക് പോകുകയായിരുന്ന ബസും ശബരിമലയില്‍ ദര്‍ശനം കഴിഞ്ഞ് മടങ്ങുകയായിരുന്ന വാനുമാണ് കൂട്ടിയിടിച്ചത്. ഇന്നലേ വൈകിട്ട് തേനിക്ക് സമീപം ഡിണ്ടിഗല്‍ കുമളി ദേശീയപാതയിലെ മധുരപുരി ഭാഗത്ത് വച്ചാണ് അപകടമുണ്ടായത്.
അയ്യപ്പ ഭക്തരുടെ വാഹനങ്ങള്‍ കൂട്ടിയിടിച്ച് 3 മരണം
