ഉരുള്‍പൊട്ടല്‍ ദുരന്തത്തില്‍ തകര്‍ന്ന വയനാടിനെ കൈപിടിച്ചുയര്‍ത്താന്‍ നാടൊന്നാകെ ഒരുമിച്ച് മുന്നോട്ട്. ദുരന്തത്തില്‍പെട്ടവരുടെ പുനരധിവാസ പ്രവര്‍ത്തനങ്ങള്‍ക്കായി സംഭാവന നല്‍കണമെന്ന മുഖ്യമന്ത്രിയുടെ അഭ്യര്‍ത്ഥനയെത്തുടര്‍ന്ന്, മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇതുവരെ ലഭിച്ചത് 379 കോടി രൂപയാണ്.
ജൂലൈ 30 മുതല്‍ ഇന്ന് വൈകിട്ട് അഞ്ച് മണി വരെയുള്ള കണക്കനുസരിച്ച് ദുരിതാശ്വാസ നിധിയിലേക്ക് ആകെ സംഭാവനയായി ലഭിച്ചത് 379,03,92,011 രൂപയാണ്. ഈ തുക മുഴുവന്‍ വയനാടിന്റെ പുനരധിവാസ പ്രവര്‍ത്തനങ്ങള്‍ക്കായി വിനിയോഗിക്കുമെന്ന് മുഖ്യമന്ത്രി പിണറായി വിജയന്‍ നേരത്തെ വ്യക്തമാക്കിയിരുന്നു. വിവിധ വ്യക്തികളും സ്ഥാപനങ്ങളും സംഘടനകളും ചെറുതും വലുതുമായ തുകയാണ് ദുരിതാശ്വാസ നിധിയിലേക്ക് നല്‍കിക്കൊണ്ടിരിക്കുന്നത്.