ഷാർജ അന്താരാഷ്ട്ര പുസ്തകമേള നവംബർ മാസം ആറു മുതൽ 17 വരെ ഷാർജ എക്സ്പോ സെൻററിൽ നടക്കും. ഇത്തവണ കേരളത്തിൽ നിന്നും കൂടുതൽ എഴുത്തുകാർ എത്തും കവിയും ഗാനരചയിതാവുമായ റഫീഖ് അഹമ്മദ്, കവി പി പി രാമചന്ദ്രൻ വിനോയ് തോമസ് തുടങ്ങിയവർ വിവിധ പരിപാടികളിൽ പങ്കെടുക്കും.
പുസ്തകമേളയിൽ എത്തുന്ന മലയാളി സന്ദർശകർ ഏറ്റവും അധികം ഇഷ്ടപ്പെടുന്ന പരിപാടിയാണ് കാവ്യസന്ധ്യകൾ ഇത്തവണ കവികളായ റഫീഖ് അഹമ്മദും പി പി രാമചന്ദ്രനും ആസ്വാദകരോട് കവിത ചൊല്ലി സംവദിക്കും. നവംബർ 16 ന് കോൺഫറൻസ് ഹാളിൽ ആണ് ഈ പരിപാടി നടക്കുക. ഇവരെ കൂടാതെ യുവ എഴുത്തുകാരൻ അഖിൽ പി ധർമ്മജൻ ഉൾപ്പെടെ നിരവധി മലയാളി എഴുത്തുകാർ ഇത്തവണ മേളയിൽ എത്തുന്നുണ്ട്.