ഹൽദ്‌വാനിയിലെ ജയിലിലെ 44 തടവുകാർക്ക് എച്ചഐവി സ്ഥിരീകരിച്ചു. ജയിലിൽ എച്ച്ഐവി പോസിറ്റീവ് തടവുകാരുടെ എണ്ണം ക്രമാതീതമായി വർധിക്കുന്നുണ്ടെന്നും സുശീല തിവാരി ആശുപത്രിയിലെ എആർടി സെന്റർ ഇൻചാർജ് ഡോ.പരംജിത് സിങ് പറഞ്ഞു.
എച്ച്ഐവി രോഗികൾക്കായി ഒരു എആർടി (ആന്റിട്രോവൈറൽ തെറാപ്പി) സെന്റർ ആരംഭിച്ചതായും രോഗബാധിതര്‍ക്കുള്ള ചികിത്സ ആരംഭിച്ചതായും ഡോ. സിംഗ് പറഞ്ഞു.
നിലവിൽ 1629 പുരുഷന്മാരും 70 സ്ത്രീകളുമാണ് ജയിലില്‍ തടവുകാരായുള്ളത്. ഇത്രയധികം തടവുകാർക്ക് എച്ച്ഐവി പോസിറ്റീവ് ആണെന്ന് കണ്ടെത്തിയതിനെത്തുടർന്ന്, എച്ച്ഐവി ബാധിതരായ തടവുകാർക്ക് യഥാസമയം ചികിത്സ നൽകുന്നതിനായി ജയിൽ ഭരണകൂടം തടവുകാരുടെ പതിവ് പരിശോധനയും നടത്തുന്നുണ്ട്.
English Summary: 44 inmates in jail are HIV positive; Jail authorities said that the inspection has been tightened
You may also like this video
