മണിപ്പൂരില്‍ 500 കോടിയുടെ മയക്കുമരുന്ന് പിടികൂടി. 54 കിലോഗ്രാം ബ്രൗണ്‍ ഷുഗറും 154 കിലോഗ്രാം ഐസ് മെത്തുമാണ് പിടികൂടിയത്. മ്യാന്‍മര്‍ അതിര്‍ത്തിയോട് ചേര്‍ന്ന മൊറേ ഗ്രാമത്തില്‍ നിന്നാണ് മയക്കുമരുന്ന് പിടികൂടിയത്.
രഹസ്യവിവരത്തിന്റെ അടിസ്ഥാനത്തില്‍ അസാം റൈഫിള്‍സും പൊലീസം ചേര്‍ന്ന് നടത്തിയ പരിശോധനയിലാണ് മയക്കുമരുന്ന് ശേഖരം കണ്ടെത്തിയത്. സംഭവത്തില്‍ മ്യന്‍മര്‍ വംശജനായ മോങ്കോയി എന്ന 19 കാരനെ പിടികൂടിയിട്ടുണ്ട്. ഇയാളുടെ കെെയില്‍ നിന്നും 54.141 കിലോഗ്രാം ബ്രൗണ്‍ഷുഗര്‍ പിടികൂടി. കൂടാതെ 154.314 കിലോഗ്രാം ഭാരമുള്ള മെതാംഫെറ്റാമൈൻ എന്ന് സംശയിക്കുന്ന 152 പാക്കറ്റുകളും സുരക്ഷാ സേന പിടിച്ചെടുത്തു. സംഭവത്തില്‍ കൂടുതല്‍ അന്വേഷണം ആരംഭിച്ചിട്ടുണ്ട്.
english summary;500 crore drug bust in Manipur
you may also like this video;
