പതിനാറുകാരിയെ പീഡിപ്പിച്ച എഴുപത്തിമൂന്നുകാരനെ പെണ്‍കുട്ടിയുടെ ബന്ധുക്കള്‍ തല്ലിക്കൊന്നു. ഈസ്റ്റ് ബെംഗളൂരുവിലാണ് സംഭവം. കുപ്പണ്ണ എന്നയാളാണ് കൊല്ലപ്പെട്ടത്. കഴിഞ്ഞ ഞായറാഴ്ച രാത്രിയാണ് സംഭവം. ഉണങ്ങാനിട്ടിരുന്ന യൂണിഫോം എടുക്കാന്‍പോയ പെണ്‍കുട്ടിയെ കുപ്പണ്ണ പീഡിപ്പിക്കുകയായിരുന്നു. ഏറെ സമയം കഴിഞ്ഞിട്ടും പെണ്‍കുട്ടിയെ കാണാതിരുന്നതിനെ തുടര്‍ന്ന് വീട്ടുകാര്‍ നടത്തിയ പരിശോധനയില്‍ കുപ്പണ്ണയ്‌ക്കൊപ്പം കുട്ടിയെ കണ്ടെത്തുകയായിരുന്നു.
തുടര്‍ന്ന് പ്രകോപിതരായ പെണ്‍കുട്ടിയുടെ ബന്ധുക്കള്‍ ഇയാളെ മര്‍ദ്ദിക്കുകയായിരുന്നു. മര്‍ദ്ദനമേറ്റ കുപ്പണ്ണയെ തിങ്കളാഴ്ച രാവിലെയോടെ വീട്ടില്‍ മരിച്ചനിലയില്‍ കണ്ടെത്തുകയായിരുന്നു. കുപ്പണ്ണയുടെ പേരില്‍ പീഡനത്തിനും പെണ്‍കുട്ടിയുടെ ബന്ധുക്കളുടെ പേരില്‍ കൊലപാതകത്തിനും കേസെടുത്തതായി പൊലീസ് പറഞ്ഞു.
English Summary: 73-year-old man who molested a 16-year-old girl was beaten to death
You may also like this video
