സംസ്ഥാനത്തെ 29 തദ്ദേശ സ്വയംഭരണ വാർഡുകളിൽ ഇന്നലെ നടന്ന ഉപതെരഞ്ഞെടുപ്പിൽ 76.78 ശതമാനം പേർ വോട്ട് രേഖപ്പെടുത്തി.
പതിനൊന്ന് ജില്ലകളിലായി (കോട്ടയം, കണ്ണൂർ, കാസർകോട് ഒഴികെ)ഒരു ജില്ലാ പഞ്ചായത്ത്, അഞ്ച് ബ്ലോക്ക് പഞ്ചായത്ത്, മൂന്ന് മുനിസിപ്പാലിറ്റി, ഇരുപത് ഗ്രാമപഞ്ചായത്ത് വാർഡുകളിലേക്കായിരുന്നു ഉപതെരഞ്ഞെടുപ്പ്. 29 വാർഡുകളിലായി 102 സ്ഥാനാർത്ഥികളാണ് ജനവിധി തേടിയത്. ആകെ 1,39,025 വോട്ടർമാരുണ്ടായിരുന്നു. വോട്ടെണ്ണൽ ഇന്ന് രാവിലെ 10 മണിക്ക് വിവിധ കേന്ദ്രങ്ങളിൽ നടക്കും. ഫലം കമ്മിഷന്റെ www.lsgelection.kerala.gov.in സൈറ്റിലെ ട്രെന്‍ഡിൽ അപ്പോൾ തന്നെ ലഭിക്കും.
English Summary:76.7 percent polling in local by-elections
You may also like this video
