പാമ്പു കടിയേറ്റ് 8 വയസുകാരിക്ക് ദാരുണാന്ത്യം. വണ്ണാമട മൂലക്കട മുഹമ്മദ് ജുബീറലി-സബിയ ബീഗം ദമ്പതികളുടെ മകൾ അസ്‌ബിയ ഫാത്തിമ ആണ് മരിച്ചത്. ചൊവ്വാഴ്ച പുലർച്ചെ 1.30ന് വണ്ണാമട മൂലക്കടയിലാണ് സംഭവം.
മുത്തശ്ശിക്കൊപ്പമാണ് അസ്‌ബിയ ഉറങ്ങാൻ കിടന്നത്. മുത്തശ്ശി റഹമത്തിനെ പാമ്പ് കടിച്ചിരുന്നു. തുടർന്ന്, നാട്ടുകാരും വീട്ടുകാരും ചേർന്ന് ജില്ലാ ആശുപത്രിയിൽ പ്രവേശിപ്പിച്ച് ചികിത്സിപ്പിച്ചു. ഇതിനിടയിൽ അസ്‌ബിയ ഫാത്തിമ തളർന്നു വീണു. തുടർന്ന് നടത്തിയ പരിശോധനയിലാണ് കുട്ടിക്കും പാമ്പു കടിയേറ്റ വിവരം അറിയുന്നത്.