യുപിയിലെ അയോധ്യയില്‍ പത്താംക്ലാസ് വിദ്യാര്‍ത്ഥിനി സ്ക്കൂള്‍ ടെറസില്‍ നിന്ന് വീണ് മരിച്ചു. ഊഞ്ഞാലില്‍ നിന്ന് വീണ് മരിക്കുകയായിരുന്നതായി സ്ക്കൂള്‍ അധികൃതര്‍ പറയുന്നത്.വെള്ളിയാഴ്ച രാവിലെ 8.45 ഓടെ നഗരത്തിലെ സൺബീം സ്‌കൂളിലാണ് സംഭവം.
വേനലവധി ഉണ്ടായിരുന്നിട്ടും സ്‌കൂളിലേക്ക് വിളിച്ചുവരുത്തുകയായിരുന്നുവെന്ന് മരിച്ച വിദ്യാർത്ഥിനിയുടെ മാതാപിതാക്കൾ പറയുന്നു. വെള്ളിയാഴ്ച രാവിലെ 10.00 മണിയോടെ മകൾ ഊഞ്ഞാലിൽ നിന്ന് വീണ് ഗുരുതരമായി പരിക്കേറ്റതായി സ്‌കൂൾ അധികൃതരിൽ നിന്ന് വിളിച്ച് അറിയിച്ചു. ഉടൻ തന്നെ ആശുപത്രിയിൽ എത്തിച്ചെങ്കിലും ചികിത്സയ്ക്കിടെ പെൺകുട്ടി മരിച്ചതായി വിവരം ലഭിച്ചതായി വീട്ടുകാർ പറഞ്ഞു.
തുടർന്ന് വീട്ടുകാർ പൊലീസിനെ വിവരമറിയിച്ചു. സ്കൂളിലെ സിസിടിവി ദൃശ്യങ്ങൾ പരിശോധിച്ച പൊലീസ്, കുട്ടി ടെറസിൽ നിന്ന് വീഴുന്ന ദൃശ്യങ്ങൾ കണ്ടെത്തി. കുട്ടിയുടെ തലയിലും കാലിലും മുറിപ്പാടുകളുണ്ടായിരുന്നു എന്നും മുഖം വീങ്ങിയിരിക്കുകയായിരുന്നു എന്നും മാതാപിതാക്കൾ ആരോപിച്ചു. കുട്ടിയുടെ കണ്ണിൽ മുറിവുണ്ടായിരുന്നു എന്നും ഇത് മർദനത്തിൻ്റെ ലക്ഷണമാണെന്നും ഇവർ പൊലീസിനോട് പറഞ്ഞു.
ഒന്നര അടി മാത്രം ഉയരമുള്ള ഊഞ്ഞാലിൽ നിന്ന് വീണാൽ ഇത്തരം പരുക്കുകളുണ്ടാവാനിടയില്ല എന്നും മാതാപിതാക്കൾ പറഞ്ഞു.തന്റെ മകളുടെ മരണത്തിന് ബ്രിജേഷ് യാദവും അധ്യാപകനായ അഭിഷേക് കനോജിയയും അദ്ദേഹം കുറ്റപ്പെടുത്തി. അതേസമയം സംഭവത്തെക്കുറിച്ച് പ്രതികരിക്കാൻ സ്‌കൂൾ പ്രിൻസിപ്പൽ തയ്യാറായില്ല. സംഭവത്തിൽ കൂടുതൽ അന്വേഷണം നടന്നുവരുന്നു
English Summary:
A 10th class student died after falling from the terrace of the school; authorities said she was falling from the swing.
You may also like this video:
