ഫിഡെ ഗ്രാന്ഡ് സ്വിസ് ചെസില് ഇന്ത്യയുടെ ലോക ചാമ്പ്യന് ഡി ഗുകേഷിനെ അട്ടിമറിച്ച് അമേരിക്കയുടെ 16കാരന് അഭിമന്യു മിശ്ര. ഗ്രാന്ഡ് സ്വിസ് ചെസിന്റെ അഞ്ചാം റൗണ്ടിലാണ് കൗമാര താരം അട്ടിമറിച്ചത്. ക്ലാസിക്കൽ ചെസ് മത്സരത്തിൽ നിലവിലെ ചാമ്പ്യനെ പരാജയപ്പെടുത്തുന്ന ഏറ്റവും പ്രായം കുറഞ്ഞ തരമായി അഭിമന്യു മിശ്ര ചരിത്രം സൃഷ്ടിച്ചു. ഇന്ത്യന് വംശജനാണ് മിശ്ര.
ചെസ് ചരിത്രത്തിൽ ഒരു ഗ്രാൻഡ്മാസ്റ്ററെ തോല്പിക്കുന്ന ഏറ്റവും പ്രായം കുറഞ്ഞ താരമെന്ന നേട്ടവും മിശ്ര സ്വന്തമാക്കി. 12-ാമത്തെ നീക്കം മുതലാണ് ഗുകേഷ് തിരിച്ചടി നേരിട്ടുതുടങ്ങിയത്. 61 നീക്കങ്ങള്ക്കൊടുവിലാണ് ഗുകേഷിനെ മിശ്ര പരാജയപ്പെടുത്തിയത്.
അതേസമയം ഇന്ത്യയുടെ ഗ്രാന്ഡ്മാസ്റ്ററായ ആര് പ്രഗ്നാനന്ദയും തിരിച്ചടി നേരിട്ടു. ജര്മ്മനിയുടെ മത്തിയാസ് ബ്ലൂബോമിനോട് പ്രഗ്നാനന്ദ അപ്രതീക്ഷിത തോല്വിയേറ്റു വാങ്ങി. 55 നീക്കങ്ങള്ക്കൊടുവിലാണ് ഇന്ത്യന് താരത്തെ മത്തിയാസ് പരാജയപ്പെടുത്തിയത്.