മുംബൈയില്‍ മാട്ടുംഗയിലെ ചില്‍ഡ്രന്‍സ് ഹോം അന്തേവാസിയായ പതിനാറുകാരനെ ചവിട്ടിക്കൊന്നു. കൂടെ താമസിക്കുന്ന പന്ത്രണ്ടുകാരനടക്കമുള്ള നാലുപേരാണ് കൊലപാതകം നടത്തിയതെന്ന് സിസിടിവി ദൃശ്യത്തില്‍ വ്യക്തമാണ്. പത്തുദിവസംമുമ്പ് ചില്‍ഡ്രന്‍സ് ഹോമിലെത്തിയ ഹസ്വാന്‍ രാജ്കുമാര്‍ നിഷാദാണ് കൊല്ലപ്പെട്ടത്. ആന്തരികാവയവങ്ങള്‍ക്ക് മാരകമായി പരിക്കേറ്റതാണ് മരണകാരണം. മാനസികപ്രശ്‌നങ്ങളുള്ള നിഷാദിനെ അലഞ്ഞുതിരിഞ്ഞു നടക്കുന്നതിനിടയില്‍ പൊലീസാണ് ചില്‍ഡ്രന്‍സ് ഹോമിലെത്തിച്ചത്.
നിഷാദിന് ശരിയായി സംസാരിക്കാനുള്ള ശേഷിയില്ലായിരുന്നു. മുറിയില്‍ മലമൂത്രവിസര്‍ജനം നടത്തിയത് കൂടെയുള്ളവരെ പ്രകോപിപ്പിക്കുകയും തുടര്‍ന്ന് ക്രൂരമായി മര്‍ദിക്കുകയുമായിരുന്നെന്ന് പൊലീസ് പറഞ്ഞു. നാലുപേര്‍ നിഷാദിനെ ചവിട്ടുകയും മര്‍ദിക്കുകയും ചെയ്യുന്നതിന്റെ ദൃശ്യങ്ങള്‍ പൊലീസിന് ലഭിച്ചു. 17 വയസ്സിനു താഴെയുള്ളവരാണ് അക്രമികളുടെ കൂട്ടത്തിലെ മൂന്നുപേര്‍.
English summary; A 16-year-old boy was kicked to death by children in a children’s home
You may also like this video;
