മെട്രോ സ്റ്റേഷനിലെ ലിഫ്റ്റിൽ വെച്ച് സ്ത്രീയെ ലൈംഗികമായി പീഡിപ്പിച്ച 26കാരനെ ഡൽഹി പൊലീസ് അറസ്റ്റ് ചെയ്തു.
സ്വകാര്യ ആശുപത്രിയിലെ ഹൗസ് കീപ്പിംഗ് സ്റ്റാഫായി ജോലി ചെയ്യുന്ന രാജേഷ് കുമാർ, തെക്കൻ ഡൽഹിയിലെ ജസോല മെട്രോ സ്‌റ്റേഷനിൽ ലിഫ്റ്റിനുള്ളിൽ വച്ച് തന്റെ സ്വകാര്യഭാഗങ്ങൾ തുറന്നുകാട്ടുകയും യാത്രക്കാരിയെ പീഡിപ്പിക്കുകയുമായിരുന്നുവെന്ന് യുവതി നല്‍കിയ പരാതിയില്‍ പറയുന്നു.
സുരക്ഷാ ക്യാമറ ദൃശ്യങ്ങളുടെയും പ്രാദേശിക ഇന്റലിജൻസിന്റെയും സഹായത്തോടെയാണ് രാജേഷിനെ പിടികൂടിയത്. അതേസമയം സംഭവത്തിനുശേഷം പ്രതി ട്രെയിനില്‍ കയറാതെ കടന്നുകളഞ്ഞുവെന്നും പരാതിയില്‍ പറയുന്നു.
പീഡനവുമായി ബന്ധപ്പെട്ട നിയമ വകുപ്പുകൾ പ്രകാരം ഡൽഹി മെട്രോ പൊലീസ് പ്രതിക്കെതിരെ കേസെടുത്തു.
English Summary: A 26-year-old man was arrested for sexually assaulting a woman in a metro lift
You may also like this video
