തൃശൂരില്‍ വിദ്യാർത്ഥിയെ മാലിന്യക്കുഴിയിൽ മരിച്ച നിലയിൽ കണ്ടെത്തി. കൊട്ടേക്കാട് കുറുവീട്ടിൽ റിജോയുടെ മകൻ 9 വയസ്സുള്ള ജോൺ പോളാണ് മരിച്ചത്. ഇന്നലെ ഉച്ചയ്ക്ക് മൂന്നുമണിയോടെ സൈക്കിളിൽ കളിക്കാൻ പോയതായിരുന്നു ജോൺ ഏറെ സമയം കഴിഞ്ഞിട്ടും കാണാതായതിനെ തുടർന്ന് നാട്ടുകാരുടെ നേതൃത്വത്തിൽ നടത്തിയ തെരച്ചിലിലാണ് കുന്നത്തുപീടിക സെന്ററിന് സമീപം മാലിന്യക്കുഴിയിൽ നിന്നും കുട്ടിയെ കണ്ടെത്തിയത്. കുട്ടിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ജോൺ പോളിന്റെ വീടിന് സമീപമുള്ള പ്ലാസ്റ്റിക് റീസൈക്ലിങ് കമ്പനിയിലെ മാലിന്യങ്ങളാണ് കുഴിയിലുള്ളത്. സൈക്കിളിൽ പോകുന്നതിനിടെ മാലിന്യക്കുഴിയിലേക്ക് തെന്നി വീണതാണ് എന്നാണ് പ്രാഥമിക നിഗമനം. കൊട്ടേക്കാട് സെന്റ് മേരീസ് എൽ പി സ്‌കൂളിലെ നാലാം ക്ലാസ് വിദ്യാർത്ഥിയായിരുന്നു ജോൺ പോൾ.
English Summary:A 4th grader was found dead in a garbage pit in Thrissur
You may also like this video
