അമ്മയെ വെളിയിലിരുത്തി, നാലു വയസുകാരിയെ ലൈംഗിക പീഡനത്തിനിരയാക്കിയ ഡോക്ടര്‍ അറസ്റ്റിലായി. വടക്കുപടിഞ്ഞാറൻ ഡൽഹിയിലെ ആദർശ് നഗറിലെ ക്ലിനിക്കിലാണ് സംഭവം. അമ്മയുടെ പരാതിയിൽ 56 കാരനായ ഡോക്ടറെ ഡൽഹി പൊലീസ് അറസ്റ്റ് ചെയ്തു. വയറുവേദന ചികിത്സിക്കാനായാണ് കുട്ടിയെ ക്ലിനിക്കിലേക്ക് കൊണ്ടുപോയത്.
കുട്ടിയെ ഡോക്ടറുടെ അടുത്തിരുത്തിയ ശേഷം മറന്നുവച്ച പഴ്സ് തിരികെ എടുക്കാന്‍ അമ്മ പുറത്തുപോയി. തിരികെയെത്തിയപ്പോള്‍ ഇയാള്‍ കുട്ടിയെ ലൈംഗിക പീഡനത്തിനിരയാക്കുന്നത് കണ്ടതായി മാതാവ് പൊലീസിന് നല്‍കിയ പരാതിയില്‍ പറയുന്നു.
പരാതിയുടെ അടിസ്ഥാനത്തിൽ പ്രതിക്കെതിരെ പോക്സോ ഉള്‍പ്പെടെയുള്ള വകുപ്പുകള്‍ ചുമത്തി കേസെടുത്തതായി പൊലീസ് പറഞ്ഞു.
English Summary: A 56-year-old doctor has been arrested for sexually assaulting a four-year-old girl who came for treatment while her mother was out
You may also like this video
